Sońǵy jyldary elordanyń klımattyq jaǵdaıy kúrt ózgerip, ádetten tys sýyq aýa raıymen, burqasyndarmen jáne qardyń qalyń túsýimen erekshelendi. Atap aıtqanda, bıyl qalada buryn-sońdy bolmaǵan mólsherde qar jaýdy, dep habarlady Astana ákimdiginiń baspasóz qyzmeti.
Sınoptıkterdiń habarlaýynsha, mundaı qalyń qar elordada sońǵy on jylda jaýmaǵan. 2016 jylǵy 13 qazan men 2017 jylǵy 3 qańtar aralyǵynda qar polıgondaryna 2 mln tekshe metr qar shyǵarylǵan. Al jalpy jınalǵan qardyń kólemi úsh mln tekshe metrge jýyqtady. О́tken jyldardyń hronologııasy boıynsha bul kórsetkishter jınalǵan qardyń kóleminen birneshe ese artyq. Burynǵy jyldarǵa júrgizilgen taldaý kórsetip otyrǵandaı, 2014 jyly 3,2 mln tonna, 2015 jyly 3,4 mln tonna, al 2016 jyly 2,9 mln tonna qar shyǵarylǵan.
Qazirgi ýaqytta kommýnaldyq jáne jedel qyzmetterdiń barlyq kúshteri qalany sanıtarlyq tazartý jumystaryna baǵyttalǵan. Eń aldymen, áleýmettik mańyzdy nysandardyń aýmaqtary – mektepter, aýrýhanalar, balabaqshalar, jaıaý júrginshi joldary jáne qoǵamdyq kólik júretin joldar tazartylýda. Turǵyn úılerdiń aýlalary men oramishilik telimderdiń aýmaǵyn jergilikti PIK-ter óz kúshterimen tazartady.
Jalpy, mehanıkalandyrylǵan jumystarǵa 2177 arnaıy tehnıka, qolmen jınaý jumystaryna 2708 adam tartyldy.