Premer-Mınıstr Baqytjan Saǵyntaev áleýmettik mańyzy bar azyq-túlik ónimderine baǵanyń ósýine jol bermeý máseleleri boıynsha Ulttyq ekonomıka mınıstri Tımýr Súleımenovtiń esebin tyńdady, dep habarlady Premer-Mınıstrdiń baspasóz qyzmeti.
Onda vedomstvoaralyq jumys tobynyń kúndelikti tutynatyn áleýmettik mańyzy bar azyq-túlik ónimderine baǵanyń ósýine jol bermeýge qatysty is-sharalary, sondaı-aq, óńirlik turaqtandyrý qorlarynyń jumysy jáne saýda oryndaryn otandyq azyq-túlikpen jetkilikti túrde qamtamasyz etý máseleleri talqylandy.
Premer-Mınıstr B.Saǵyntaev ýákiletti memlekettik organdarǵa baǵanyń negizsiz ósýin boldyrmaý úshin qajetti sharalardy qabyldaýdy jáne monopolııaǵa qarsy zańdylyqtyń oryndalýyna baqylaýdy kúsheıtýdi tapsyrdy.