"Barselona" fýtbol klýby dırektorlarynyń biri Pere Gratakos 13 qańtar kúni "klýbtyń ustanymdaryna qarsy keletin jeke pikirin qoǵam aldynda aıtqany úshin" qyzmetinen bosatyldy, - dep habarlady Sport.ru.
Basylymnyń aıtýynsha, ol: "Leo - klýbtaǵy eń mańyzdy adamdardyń biri. Biraq ol jalǵyz emes. Ol Inesta, Neımar men basqa oıynshylar bolmasa, dál osy deńgeıde bolmas edi. Biraq Messı - úzdigi", degen sózderi úshin jumysynan shyǵarylǵan.
Pere Gratakos 70-80 jyldary klýbtyń jastar jáne rezervti quramynda bolǵan. 2003-2005 jyldary ol Messı oınaǵan "Barselona V" komandasynyń bapkeri qyzmetin atqarǵan. Sońǵy kezderi Gratakos ıspan fýtbol federasııalarymen baılanys basshysy qyzmetin atqarǵan. Qazir "Barselonada" "Masııa 360" jobasyndaǵy jumysyn jalǵastyryp jatyr.