Memlekettik múlikti basqarý tıimdiligi arttyrylady

Premer-Mınıstr Kárim Másimovtiń tóraǵalyǵymen ótken keshegi Úkimet otyrysynda memlekettik múlik týraly másele qaraldy. Osy másele boıynsha baıandama jasaǵan Ekonomıkalyq damý jáne saýda mınıstri Janar Aıtjanova jýyqta ǵana Memleket basshysy «Memlekettik múlik týraly» Zańǵa qol qoıǵandyǵyn, endigi másele osy zańdy júzege asyrýdan týyndaıtyndyǵyn aıtty. Jańa zań ekonomıkanyń ártúrli salalaryndaǵy memlekettik múlikterge qoldanylatyn jalpy erejelerdi belgileý, olardy basqarýdy retteıtin zań normalaryn bir zańnyń aıasynda biriktirý jáne osy boıynsha Úkimet pen jergilikti atqarýshy organdardyń quzyretin aıqyn­daý maqsatynda ázirlengen. Bul zań bazalyq bolyp tabylady. Sondyqtan memlekettik múlikti satyp alý jáne ony ıelikten shy­ǵarý (satý) kezinde týyn­daı­tyn barlyq máselelerdi júıe­leıtin bolady. Jańa zańnyń ózindik ja­ńa­lyqtary bar. Sonyń qatarynda onyń barlyq memlekettik or­gan­dardyń quzyretterin memlekettik múlikterdi respýblıkalyq jáne kommýnaldyq múlikterge bóle otyryp aıqyndaıtyn­dy­ǵyn aıtýǵa bolady. Zańǵa sáıkes memlekettik múlikti basqarýdyń zamanǵa laıyq júıesi qalyp­ta­syp, ol josparlaý, monıtorıng júrgizý, baǵalaý jáne baqylaý máselelerin qamtýy tıis. Endigi kezekte memlekettik múliktiń bir­yńǵaı tizimi qalyptastyry­la­dy. Taıaýdaǵy eki jyldyń ishin­de memlekettik múlik týraly barlyq vedomstvolyq aqparattar osy tizimge jınaqtalatyn bolady. Memlekettik kásiporyndardy qurýdyń tártibi men maqsaty, olardyń qyzmet aıasy aı­qyn­da­lyp, bul kásiporyndy basqarý­shy­lardyń jaýapkershiligi kú­sheıtiledi. Endigi kezekte memlekettik kásiporynǵa óz aıasynda enshiles kásiporyndar qurý qu­qyǵy berilmeıdi. Barlyq memlekettik kásiporyndarǵa, olardyń qyzmet túrlerine qaramastan, josparlaýdyń biryńǵaı júıesi qarastyrylatyn bolady. Memlekettik mekemelerdiń memle­ket­tiń atynan jáne ózderiniń at­tarynan áreket etýine shekteýler jasalady. Zańda osy sekildi basqa da jańalyqtar men ózgerister az emes. Zań memlekettik múlikti bas­qarýdyń tıimdiligin arttyrý úshin qyzmet etedi. Sonymen qa­tar ol barlyq máseleler naqty aı­qyndalǵandyqtan, elimizdiń ınvestısııalyq ahýaly men bıznestik ortanyń jumysyna da ja­ǵymdy áser etýi tıis. Memlekettik kásiporyndardyń sanyn oń­taılandyrý barysynda bıýd­jet­tiń memlekettik kásip­oryn­dar úshin jumsalatyn shyǵys­tary da azaıa túsedi degen boljam bar. Janar Aıtjanova osy zańdy jú­zege asyrý úshin belgilenip otyr­ǵan birqatar sharalardy atap kórsetti. Máselen, ústimiz­degi jyldyń 1 tamyzyna deıin tı­isti erejelerge ózgerister engizip, kom­mýnaldyq menshiktiń ob­lystyq jáne aýdandyq dep bó­liný úderisin tolyq aıaqtaý qa­jet. Al jyl sońyna deıin qyz­met aıasy belgilenbegen kásip­oryndar men enshiles kásip­oryndarǵa taldaý júrgi­ziletin bolady da 2012 jyldyń naý­ry­zyna deıin olardyń taǵdy­ry sheshiledi. 2012-2013 jyldar­dyń ara­lyǵynda memlekettik mú­lik týraly biryńǵaı tizim qam­ta­ma­syz etiledi. Atalǵan máseleni talqylaý barysynda Úkimet basshysy Ká­rim Másimov Qazaqstan Búkil­álemdik saýda uıymyna qosyl­ǵan jaǵdaıda bul zańnyń elimizdegi ınvestısııalyq ahýalǵa qan­daı áser etetindigin surady. Su­raqqa berilgen jaýapta, mun­daı jaǵdaıda osy zańnyń elimizdegi ınvestısııalyq ahýaldyń bol­jam­dylyǵyna qyzmet etetindigi, ıaǵnı áseri jaǵymdy bolýy tıisti ekendigi aıtyldy. Sondaı-aq Premer-Mınıstr basqa da suraqtar qoıyp, olar­dyń barlyǵyna qanaǵattanarlyq jaýap aldy. Úkimet otyrysynda sybaılas jemqorlyqpen kúresti kúsheı­týge baǵyttalǵan jańa baǵdar­lama jobasy da talqylandy. Osy jóninde baıandama jasaǵan Ekonomıkalyq qylmysqa jáne sy­baılas jemqorlyqqa qarsy kúres agenttiginiń basshysy Qaı­rat Qojamjarov bul baǵdarlama qoǵamnyń sybaılas jemqor­lyq­qa tózbeýshilik kózqarasyn qa­lyp­tastyrýǵa, azamattardyń mem­lekettik organdardyń osy baǵytta júrgizip jatqan shara­laryna degen senimdiligin art­tyrýǵa qyzmet etetindigin atap kórsetti. Qazirgi kúni Qazaqstan sybaılas jemqorlyqpen kúres­tiń eýropalyq standarttaryn meń­gerýde. Baǵdarlama elimizde ázirlengen «Eýropaǵa jol» baǵ­darlamasynyń talaptarymen de sáıkes keletindigin aıtty. Atalǵan máselelerdi qory­tyn­dylaǵan Úkimet basshysy Ká­rim Másimov qaralyp otyrǵan memlekettik múlik týraly zańdy júzege asyrý jáne sybaılas jemqorlyqpen kúres máselesi qoǵamdy tolǵandyratyn máse­leler ekendigin atap kórsete kele, qazirgi ýaqytta Internettiń da­mýyna baılanysty jarııaly­lyq­tyń barynsha kúsh ala tús­kendigine toqtaldy. «Qazir búkil álemdegi sekildi bizdiń qoǵa­my­myzda da ashyqtyq, jarııalylyq úderisteri kúsh alyp keledi. Osy jaǵdaıdy endi sybaılas jem­qor­lyqpen kúres sekildi ma­ńyzdy máselede de sátti paı­da­lanýy­myz qajet. Memlekettik organdar basshylarynyń jeke blog­tarynyń ashylýy da osyn­daı sebepterge baılanysty», dedi. So­nymen qatar, qaralyp otyr­ǵan máselelerge qatysty tıisti uı­ymdardyń aldyna mindetter júktedi. Suńǵat ÁLIPBAI.