Ekonomıkalyq qaıta qurylym, óńirlik saıasat, jergilikti ózin ózi basqarý jáne osy salalardy zań jolymen retteý, zańdardy jetildirý. Bul máseleler Qazaqstan Parlamenti Májilisiniń Ekonomıkalyq reforma jáne óńirlik damý komıteti músheleriniń Bashqurtstan depýtattarymen bolǵan kezdesýinde áńgime boldy. Aıta ketý kerek, Qazaqstan parlamentshileri Bashqurtstan Respýblıkasy Quryltaıy – Memlekettik jınalysy tóraǵasynyń orynbasary Rafaıl Zınýrov bastaǵan delegasııamen kezdesti.
Májilistiń atalǵan komıtetiniń tóraǵasy Seıitsultan Aıymbetov meımandarǵa ózi jetekshilik etetin komıtettiń atqaryp otyrǵan qyzmeti jaıly jan-jaqty áńgimelep berdi. Elimizdiń ekonomıkalyq órleýi der kezinde qabyldanǵan zańdarǵa baılanysty ekeni anyq.
Kezdesýge Májilis depýtattary Toqtarbaı Qadambaev, Egor Kappel, Murat Ábenov, Elena Tarasenko qatysyp, áriptesterimen pikir almasty, dep habarlady osy palatanyń baspasóz qyzmeti.