Memleket basshysy Nursultan Nazarbaev «Kazkommersbank» AQ Dırektorlar keńesiniń tóraǵasy Nurjan Subhanberdındi qabyldady, dep habarlady Qazaqstan Respýblıkasy Prezıdentiniń baspasóz qyzmeti.
N.Subhanberdın Prezıdentke «Qazkommersbank» AQ damý qarqyny týraly baıandady jáne qarjy daǵdarysy jaǵdaıynda bankterge, shaǵyn jáne orta bızneske aıtarlyqtaı qarjylyq kómek kórsetýge múmkindik týǵyzǵan sheshimdi sharalar qabyldaǵany úshin alǵysyn aıtty.
Kezdesý kezinde sondaı-aq qazaqstandyq kompanııalardyń shıkizattyq emes sektordaǵy borysh aýyrtpalyǵyn tómendetý týraly áńgime qozǵaldy.
Ekonomıkanyń shıkizattyq emes sektoryn jaqsartý úshin bankter nesıe bólýleri tıis qoı. Bizdiń klıentterimizdiń qysqa merzimdi operasııalaryna nesıe bólýdi shektemeý úshin biz bıylǵy jyly bizdiń korporatıvtik klıentterimizge jáne ıpotekalyq nesıeleýge uzaq merzimdi qorlandyrý jobalaryn qamtamasyz etýdi aldymyzǵa mańyzdy mindet etip qoıdyq. Bul úshin biz kapıtal naryǵymen de, memleketpen de jumysty jalǵastyramyz. 2011 jyl óz táýelsizdiginiń 20 jyldyǵyn atap ótetin bizdiń elimiz úshin jáne bizdiń bank úshin mańyzdy jyl bolyp tabylady. Biz mindetimiz ben jumys josparyn túsinip, bul jylǵa senimmen qadam bastyq, – dep atap ótti N.Subhanberdın.