Qazaqstan Respýblıkasy Densaýlyq saqtaý mınıstrliginiń buıryǵy №956

2010 jylǵy 9 jeltoqsan, Astana qalasy Astana jáne Almaty qalalaryndaǵy 15 jasqa deıingi balalardyń 1 tıptegi qant dıabetin emdeýge ınsýlınniń úzdiksiz teriasty ınfýzııasynyń júıesin paıdalaný jónindegi pılottyq jobany engizý týraly «Halyq densaýlyǵy jáne densaýlyq saqtaý júıesi týraly» Qazaqstan Respýblıkasy kodek­siniń 7-babynyń 1-tarmaǵynyń 14) tarmaq­sha­syna, «Qazaqstan Respýblıkasy Densaýlyq saqtaý mınıs­tr­liginiń 2010-2014 jyldarǵa arnalǵan stra­tegııalyq jospary týraly» Qazaqstan Res­pýblıkasy Úki­metiniń 2010 jylǵy 10 aqpandaǵy № 81 qaýlysymen bekitilgen Densaýlyq saqtaý mınıstrliginiń 028 «Oblystardyń bıýdjetterine, Astana jáne Almaty qalalarynyń bıýdjetterine dárilik zattar, vaksınasııalar men basqa da ımmýndyq-bıologııalyq preparattardy satyp alý boıynsha bólinetin ny­sa­na­ly aǵymdaǵy transfertter» bıýdjettik baǵdarlamasyna sáıkes, Qazaqstan Respýblıkasynda 1 tıptegi qant dıabetimen aýyratyn balalarǵa medısınalyq kómekti jetildirý jáne damytý maqsatynda buıyramyn: 1. 2011 jylǵy 1 qańtardan bastap Astana jáne Almaty qalalarynda 15 jasqa deıingi ba­lalardyń 1 tıptegi qant dıabetin emdeýge ın­sý­lınniń úzdiksiz teriasty ınfýzııasynyń júıesin paıdalaný jónindegi pılottyq jobasy (budan ári – joba) engizilsin. 2. Pılottyq jobanyń sheńberinde qosa berilip otyrǵan 1 tıptegi qant dıabetimen aýyratyn 15 jasqa deıingi balalardy ınsýlınniń úzdiksiz teriasty ınfýzııasynyń júıesin paıdalanýǵa irikteý men aýystyrý tártibi jónindegi nusqaý­lyq bekitilsin. 3. «Respýblıkalyq balalardy ońaltý orta­lyǵy» AQ (Sh.Á.Bólekbaeva) (kelisim boıynsha) jobany iske asyrý úılestirýshisi bolyp belgilensin. 4. «Respýblıkalyq balalardy ońaltý orta­lyǵy» AQ (Sh. Á. Bólekbaeva) (kelisim boıynsha) jobany iske asyrý úılestirýshisi: 1) Astana jáne Almaty qalalarynda jobany úılestirýdi; 2) Qazaqstan Respýblıkasy Densaýlyq saqtaý mınıstrliginiń Medısınalyq kómekti uıym­das­tyrý departamentine toqsan saıyn jobany iske asyrý barysy týraly aqparatty usynýdy qam­tamasyz etsin. 5. Astana (D.S.Esimov) jáne Almaty (E.E.Dúrimbetov) qalalary densaýlyq saqtaý basqarmalarynyń bastyqtary (kelisim bo­ıynsha): 1) quramynda endokrınolog, bas pedıatr, tá­ýelsiz sarapshylar, úkimettik emes uıymdardyń ókilderi bar ınsýlınniń úzdiksiz teriasty ın­fýzııasynyń júıesin paıdalanýǵa 1 tıptegi qant dıabetimen aýyratyn 15 jasqa deıingi bala­lardy aýystyrý jónindegi komıssııany qursyn; 2) 2011 jylǵy 1 aqpanǵa deıin osy tar­maq­tyń 1) tarmaqshasynda kózdelgen komıssııa usy­nymynyń negizinde ınsýlınniń úzdiksiz teriasty ınfýzııasynyń júıesin paıdalanýǵa 1 tıptegi qant dıabetimen aýyratyn 15 jasqa deıingi ba­lalardyń tizimin anyqtasyn; 3) bar bıýdjettik qarajattyń sheginde osy tarmaqtyń 4) tarmaqshasynda kórsetilgen kabınetke bir laýazym esebinen ınsýlınniń úzdiksiz teriasty ınfýzııasynyń júıelerimen jumys daǵ­dylary bar endokrınolog dárigerdiń bir shtat birligin kózdesin; 4) Almaty qalasynyń №6 balalar qalalyq em­hanasynda, №2 qalalyq balalar klınıkalyq aýrýhanasynda, «Aqsaı» respýblıkalyq balalar klınıkalyq aýrýhanasy» RMQK jáne «Ana men bala ulttyq ǵylymı ortalyǵy» AQ, Astana qalasynda «Ana men bala ulttyq ǵylymı ortalyǵy» AQ-da, «Respýblıkalyq balalardy ońaltý ortalyǵy» AQ-da 1 tıptegi qant dıabetimen aýyratyn 15 jasqa deıingi balalardy oqytý jáne baqylaý jónindegi kabınettiń jumysyn qamtamasyz etsin; 5) «Respýblıkalyq balalardy ońaltý or­ta­lyǵy» AQ jobasyn iske asyrý úılestirýshisi jo­bany iske asyrý jónindegi toqsan saıynǵy esepti usynýdy qamtamasyz etsin. 6. «Ana men bala ulttyq ǵylymı ortalyǵy» AQ (Aıbe Hınrıks), «Respýblıkalyq balalardy ońaltý ortalyǵy» AQ (Sh.Á.Bólekbaeva) jáne «Aqsaı» respýblıkalyq balalar klınıkalyq aý­rýhanasy» RMQK (M.I. Ábdibekov) (kelisim bo­ıynsha) basshylary oqytý jáne baqylaý jó­nindegi kabınetti ornalastyrý úshin úı-jaı­lardy usynsyn. 7. Qazaqstan Respýblıkasy Densaýlyq saqtaý mınıstrliginiń Medısınalyq kómekti uıym­das­tyrý departamenti (A.Ǵ.Tóleǵalıeva) jobanyń nátıjesi boıynsha 2011 jylǵy 20 jeltoqsanǵa deıin 1 tıptegi qant dıabetimen aýyratyn 15 jas­qa deıingi balalarǵa ınsýlınniń úzdiksiz te­riasty ınfýzııasy júıesin paıdalaný jónindegi ádistemelik usynymdardy bekitýge usynymdy qamtamasyz etsin. 8. Qazaqstan Respýblıkasy Densaýlyq saqtaý mı­nıstrliginiń Medısınalyq kómekti uıym­dastyrý departamenti (A.Ǵ. Tóleǵalıeva) osy buıryqty zańnamada belgilengen tártippen Qa­zaqstan Respýblıkasy Ádilet mınıstrliginde mem­lekettik tirkeýden ótkizýdi qamtamasyz etsin. 9. Qazaqstan Respýblıkasy Ákimshilik-quqyq­tyq jumys departamenti (F.B.Bısmıldın) osy buıryqtyń Qazaqstan Respýblıkasy Ádilet mınıstrliginde memlekettik tirkeýden ótkennen keıin buqaralyq aqparat quraldarynda resmı ja­rııalanýyn qamtamasyz etsin. 10. Osy buıryqtyń oryndalýyn baqylaý Qa­zaqstan Respýblıkasynyń Densaýlyq saqtaý vıse-mınıstri E.Á. Baıjúnisovke júktelsin. 11. Osy buıryq ony alǵashqy resmı jarııa­laǵan kúninen bastap qoldańysqa engiziledi jáne 2011 jylǵy 1 qańtardan bastap kúshine týyn­daıtyn qatynastarǵa qoldanylady. Mınıstr   S. QAIYRBEKOVA. Qazaqstan Respýblıkasy Densaýlyq saqtaý mınıstriniń 2010 jylǵy 9 jeltoqmandaǵy №956  buıryǵymen bekitilgen 1 tıptegi qant dıabetimen aýyratyn 15 jasqa deıingi balalardy ınsýlınniń úzdiksiz teriasty ınfýzııasynyń júıesin paıdalanýǵa aýystyrý jónindegi nusqaýlyq 1. Osy nusqaýlyq 1 tıptegi qant dıabetimen aýyratyn 15 jasqa deıingi balalardy ınsý­lın­niń úzdiksiz teriasty ınfýzııasynyń júıesin paıdalanýǵa aýystyrý (budan ári – IÚTI) tár­ti­bin jáne pılottyq jobanyń sheńberinde kórse­tilgen tulǵalardyń ólshemderin naqtylaıdy. 2. 1 tıptegi qant dıabetimen aýyratyn 15 jas­qa deıingi balalardy odan ári ınsýlınniń úz­diksiz teriasty ınfýzııasynyń júıesin paıda­lanýǵa aýystyrý úshin mynadaı ólshemderge sáıkes kelýi qajet: 1) aýystyrýǵa aıǵaqtarynyń bolýy; 2) JJBI júıesin paıdalana otyryp, me­dısınalyq kómek kórsetýge pasıenttiń nıeti jáne ata-analarynyń nemese zańdy ókilderiniń jazbasha kelisimi; 3) endokrınologtyń taǵaıyndaýyn pasıent­tiń turaqty oryndaýy (dıetany, tamaqtaný rejimin, ınsýlınoterapııa, sońǵy 12 aıdyń ishinde fızıkalyq júktemeni, ózin ózi baqylaýdy tu­raqty jáne barabar júrgizý) (balanyń jeke kar­ta­synan derekter boıynsha, stasıonarlardyń kóshirme epıkrızderi); 4) pasıenttiń kórýiniń jáne (nemese) estýiniń aýyr buzylýlarynyń bolmaýy; 5) pasıenttiń anamnezinde psıhıkalyq buzy­lý­larynyń bolmaýy. 3. Aýystyrý 2 kezeńde júrgiziledi: 1) birinshi kezeń: balany anketteýdi osy Nusqaýlyqqa qosym­shaǵa sáıkes zańdy ókilimen birlesip turǵylyqty jeri boıynsha balany baqylaıtyn endo­krı­no­log dáriger júrgizedi; anketteý nátıjelerin, aýrýdyń anamnezin en­dokrınolog dáriger 1 tıptegi qant dıabetimen aýyratyn 15 jasqa deıingi balalardy IÚTI aýys­tyrý jónindegi komıssııanyń qaraýyna usy­nady(budan ári – Komıssııa); Komıssııanyń quramynda bas balalar en­do­krı­nology, bas pedıatr, táýelsiz sarapshylar, úkimettik emes uıymdardyń ókilderi bar; Komıssııa pasıenttiń jáne (nemese) zańdy ókiliniń ınsýlınoterapııanyń, ózin-ózi baqy­laý­dyń, qan dıabeti kezindegi dıetalardyń negizgi qaǵıdattaryna, pasıenttiń komplaenttiligi dáre­jesine úıretilýin baǵalaıdy; Qomıssııanyń qorytyndysynda IÚTI júıe­sin synamalyq paıdalanýǵa aýystyrý usyny­lady nemese IÚTI júıesin paıdalanýǵa aýys­tyrýdan bas tartady. Birinshi kezeńniń nátıjesi boıynsha 1 tıptegi qant dıabetimen aýyratyn 15 jasqa deıingi bala­ny aldyn ala synamalyq aýystyrý zańdy ókilin IÚTI júıesin joǵaltqan nemese búldirgen jaǵdaıda qaıta berilmeıtindigi týraly jazbasha habarlaı otyryp, júzege asyrylady, bul rette bul pasıenttiń pılottyq jobaǵa odan ári qatysýyn Komıssııa sheshedi; 2) ekinshi kezeń: pasıentti jáne zańdy ókilin IÚTI júıesin paıdalana otyryp, oqytýdy endokrınolog dári­ger 1 tıptegi qant dıabetimen aýyratyn 15 jasqa deıingi balany oqytý men baqylaý boıynsha kabınetterde 3-6 aı boıy júrgizedi; glıkırlengen gemoglobınniń, glıkemııanyń deńgeıin, gıpoglıkemııalyq jaǵdaılardyń, shu­ǵyl emdeýge jatqyzýlardyń sanyn, ómir súrý sapasyn, pasıenttiń komplaenttiligin anyqtaý de­rekteriniń dınamıkasyn esepke ala otyryp, kabınettiń endokrınolog dárigeri pasıentti dınamıkalyq baqylaýdy júrgizedi. 3. Komıssııa kabınettiń endokrınolog dári­geri usynǵan 3-6 aılyq oqytý jáne 1 tıptegi qant dıabetimen aýyratyn pasıentti baqylaý nátı­jelerin baqylaýdy júrgizedi jáne pılot­tyq jobanyń sheńberinde pasıentti IÚTI jú­ıesin paıdalanýǵa naqty aýystyrý týraly sheshim shyǵarady. 1 tıptegi qant dıabetimen aýyratyn 15 jasqa deıingi balalardy ınsýlınniń úzdiksiz teriasty ınfýzııasynyń júıesin paıdalanýǵa aýystyrý jónindegi nusqaýlyqqa qosymsha nysan Pasıentterge jáne zańdy ókilderine arnalǵan saýalnama (ınsýlındik pompa) 1. Pasıenttiń A.T.Á. _____________ 2. Pasıenttiń jasy______________________ 3. Baılanys telefony___________________ 4. Áńgime júrgizilgen zańdy ókiliniń A.T.Á.________________________ 1. Siz nemese Sizdiń balańyzdyń ınsýlındik pompany paıdalanylýyn qalaısyz ba? A) Iá B) Joq V) Bilmeımin 2. Sizdiń ınsýlındik pompasyn alý múm­kin­digińiz bar ma? Naqty qaısysyn? A) Iá B) Joq V) Ázirge múmkindigim joq G) Pompany alýǵa qarajat jınaýdamyn 3. Sizdiń kózqarasyńyz boıynsha ınsýlındik pompa týraly aqparat jetkilikti me? A) Iá B) Joq V) ____________________________________ 4. Siz pompa týraly qandaı aqparat alǵyńyz keledi? A) Barlyǵyn B) Eshqandaı V) ____________________________________ 5. Siz ınsýlındik pompadan ne kútesiz? A) Eshqandaı B) Erekshe kúsh salmaı dıabet aǵymynyń aıtarlyqtaı jaqsarǵanyn V) Dıabettiń kompensasııasy jaqsyraq bolady G) Glıýkozanyń deńgeıi qalypqa keledi D) Keıbir asqynýlardyń qateri tómendeıdi E) Keri áseri bar aýrýlardyń kórinisteri azaıady J) Taǵam tańdaýda úlken erkindik Z) Pompa qant deńgeıin jaqsy baqylaýǵa múmkindik beredi I)_____________________________________ 6. Siz Dıabet mektebinde qandaı jıilikte sabaq alasyz? A) Bul ne? B) Balam naýqastanǵan kezde, birinshi ret aýrýhanada V) Jyl saıyn balam aýrýhanada jatqan kezde G) Aýrýhanada árbir jarty jyl saıyn D) Turaqty – aıyny birneshe ret E) Alǵashynda turaqty ótip otyratynmyn, sodan keıin eshqandaı jańa nárseler bermegennen keıin barmaıtyn boldym J) Onsyzda bárin bilemin I)_____________________________________ 7. Siz ózińizdi qyzyqtyratyn suraqtarǵa aqparatty qalaı tabasyz? A) Kitaptardan B) Internetten V) Mamandardan G) Meni eshteńe qyzyqtyrmaıdy D) Kezekti basylymdardan («Dıalog» jýrnaly) E) Konferensııalarǵa, kórmelerge baramyn J) Buqaralyq aqparat quraldarynan Z) Maǵan kerek nárselerdiń barlyǵyn bilemin I) Basqa ata-analarmen sóılesip turamyn K) Basqalar____________________________ 8. Siz glıkrılengen gemoglobın deńgeıin qandaı jıilikte anyqtaısyz?_________ 9. Glıkrılengen gemoglobın deńgeıin anyqtaýdyń sońǵy nátıjesi qan-daı?______________________________________ 10. Qant dıabetiniń kompensasııasy úshin ne isteısiz? A) Insýlındik emdi qoldanamyn B) Kómirsýlardy sanaý arqyly dıetany saqtaımyn V) Turaqty dene shynyqtyramyn G) _____________________________________ 11. Siz tamaq ishýde ınsýlınniń dozasyn qalaı esepteısiz? A) Emdeýshi dárigerim bergen arnaıy keste arqyly B) Kómirsý mólsherin eseptep, soǵan baı­lanysty ınsýlın mólsherin salamyn V) Ekvıvalentter júıesi boıynsha G) Nandyq birlik júıesi boıynsha D) «Dıabet-2000» baǵdarlamasyn qoldanamyn E) Kóz mólshermen J) Múldem eseptemeımin Z) Tarazyny, ólshegish quraldardy qoldanamyn I) Basqalar ____________________________ 12. Siz qandaǵy qant deńgeıi joǵary bolǵanda qandaı sharalar qoldanasyz? A) Eshqandaı B) Birneshe birlikti qosymsha ınsýlın jasaımyn V) Qant deńgeıi qalypqa keletindeı mólsherdegi ınsýlın birligin jasamyn G) Basqalar_____________________________ 13. Siz balańyzda ınsýlınniń bir birligi qandaǵy qanttyń qansha mólsherin tómen­de­te­tinin bilesiz be? A) Iá, qant deńgeıin qalypqa keltirýde osy bilimdi qoldanamyn B) Joq V) Basqalar____________________________ 14. Sizdiń balańyzda qant dıabetiniń asqynýlary bar ma? A) Joq B) Bar V) Bar jáne basqada aýrýlar 15. 14B kezinde: Qandaı asqynýlar? A) polıneıropatııa B) ensefalopatııa V) nefropatııa G) retınopatııa D)_____________________________________ 16. Sizdiń kóbirek pompa týraly jáne sonyń kómegi arqyly qant dıabetiniń kompensasııasy týraly aqparat alýǵa bos ýaqytyńyz bolady ma? A) Iá B) Joq V) Basqalar____________________________ Yntymaqtastyǵyńyzǵa alǵysymyzdy bildiremiz! Buıryq Qazaqstan Respýblıkasynyń Ádi­let mınıstrliginde 2010 jylǵy 28 jel­toq­san­da Normatıvtik quqyqtyq kesimderdi mem­lekettik tirkeýdiń tizilimine №6707 bolyp engizildi.