Kún ótken saıyn elimizdiń bolashaǵyn aıqyndaıtyn kezekten tys prezıdenttik saılaý kúni jaqyndap keledi. Soǵan oraı úgit-nasıhat jumystary da aıaqtalyp qaldy. Osy rette «Seniń daýysyń – seniń jeńisiń» taqyrybyndaǵy aksııalardyń biz tárizdi jas saılaýshylarǵa beretini mol degim keledi. О́ıtkeni, elimizdiń Ata Zańynda Qazaqstan Respýblıkasynyń Prezıdenti – memlekettiń basshysy, onyń ishki jáne syrtqy saıasatynyń negizgi baǵyttaryn aıqyndaıtyn eń joǵary laýazymdy tulǵa ekeni atap aıtylǵan. Sondaı-aq, adam quqyqtary men bostandyǵynyń kepili delingen. Demek, jaýapty sátte saılaý ýchaskesine mindetti túrde baryp, óz daýysyńdy berý óz múddeńdi bildirgeniń bolyp tabylady.
Bıylǵy saılaý – meniń ómirimdegi alǵashqysy jáne eń mańyzdysy der edim. Sondyqtan da saılaýǵa qatysyp, tańdaýymdy bildirýdi azamattyq boryshym dep sanaımyn. Men el bolashaǵy úshin daýys beremin. Táýelsiz Qazaqstannyń, qoǵamnyń erteńi árqaısymyzdy beıjaı qaldyrmaýy tıis.
Biz – baqyttymyz. Osy ómir úshin aǵa urpaqtyń kórgen qıyndyǵy jetip-artylady. Olar jastardyń jan-jaqty bilim alýyna, beıbit ómir keshýine ózindik úlesterin qosty. Táýelsiz memleketimizdiń irgesi nyǵaıyp, álem jurtshylyǵy tańdana kóz tigýde. Kimniń bolsyn óz quqyǵyn tolyq paıdalanýyna, talap etýine múmkindigi bar. Mine, sony paıdalanatyn sát keldi. Sondyqtan da eldiń erteńi sanalatyn jastardy 3 sáýir kúni bolatyn saılaýǵa qatysýǵa shaqyramyn.
Bizdiń daýysymyz – bizdiń jeńisimiz ekenin umytpaıyq. О́zim kóp balaly otbasynyń úlkeni retinde Qazaqstandaǵy ana men balaǵa jasalǵan qamqorlyqty sezinip óstim. Endi soǵan qaıtarymmen jaýap bermekpin. Saılaýdaǵy jeńis meniń de jeńisim bolatynyna senemin.
Aıman ERJANQYZY, jas saılaýshy.
Almaty oblysy.