Jańa kásiporyn

Erinbegenniń eńbegi jana­ty­nyn ýaqyt dáleldep otyr. Kóksý aýdanyndaǵy Terekti eldi mekeninde óndiristik qýaty jylyna 25 myń tonna maıbur­shaq­ty óńdeýden ótkizýge múm­kindik beretin «Ekstra» jaýapkershiligi shekteýli seriktestigi jumys isteıdi. Jumysyn bas­ta­ǵanyna jyl tolmasa da mun­daǵy nátıje birden kózge túsedi. Seriktestik búgingi ýaqyt talabymen sheteldik qural-jabdyqtarmen qamtylsa, mamandar ony iskerlikpen meń­ger­genin kóresiń. Negizinen ju­mys tolyq avtomat­tandy­ryl­ǵan, ony baqylaý men ónim sa­pa­syna degen yntalylyq ba­sym. Kásip­orynda 50 adam úsh aýysymda jumys istese, olar­ǵa arnaıy jasalǵan tamaq­ta­na­tyn, jýy­natyn oryn, demalys bólmesi jan-jaqty jabdyq­ta­lyp, qyz­met etýde. Aılyqtary  jaqsy. Kásiporynda kúnine 50 tonna ónim shyǵarylady. О́nimniń ta­za­lyǵy men sapasyn, ylǵal­dy­ly­ǵyn tekseretin arnaıy zerthana jumys isteıdi. Qap­talǵan ónim birden tutyný­shy­ǵa jónel­ti­ledi. Zaýytta tolyq ekspan­der­lengen maıburshaq óń­deý­den ót­ken­nen keıin maı­dyń sa­pasy tolyq saqta­la­tynyn aıtqan jón. Maıburshaqtyń quramynda proteın mol ári aqýyzǵa baı. О́nim – negizinen janýarlarǵa qajetti azyq. Jemdegi maı qysh­qyly mal men qustyń zat almasýyn jedeldetedi, et alýyna múmkindik beredi. Zaýyt ónimine degen tu­ty­ný­shy suranysy joǵary. Qazir olar Almaty qalasy men Shy­ǵys Qazaqstan oblysyna óz ónimderin jóneltýde. Aǵymda­ǵy jyly ujym 14 myń ton­na­ǵa deıin ónim shyǵaryp, ózge óńirler­ge de taýarlaryn saýda­la­maqshy. – Qazirgi kezde óz kásibin ashqandarǵa barlyq jaǵdaı jasalýda. Zaýytqa qajetti eki gek­tar jer telimi bólinip, bastama qoldaý tapqany qýanta­dy. Ujym táýelsizdigimizdiń mereıin ózderiniń jaqsy ju­mys­tarymen qarsy alý úshin eńbek etýde,– deıdi zaýyt basshysy Erbol Toqtaǵulov. Kúmisjan BAIJAN. Almaty oblysy.