Saıası jańarý jolynda

Astanadaǵy Jýrnalıster úıinde prezıdenttikten úmitker Jambyl Ahmetbekovtiń saılaýaldy naýqanynyń aldyn-ala qorytyndylary shyǵaryldy. Jýrnalıstermen basqosýǵa Qazaqstannyń Kommýnıstik halyqtyq partııasy atynan saılanǵan kandıdat J.Ahmetbekov, prezıdenttikten úmitker­diń senim bildirilgen adamdary Vladıslav Kosarev, Borıs Sorokın, Gaýhar Nuǵmanova jáne basqalar qatysty. Basqosý aıasynda kandıdat óziniń saı­laý­shy­larmen kezdesýleri qory­tyndysy jóninde má­lim­dep, búgingi tańdaǵy elimizdegi saıası ahýal jó­nindegi oı-paı­ymymen bólisti. Saılaýaldy naý­qany aıaqtalyp keledi. Ony ótkizý kezinde ózim­niń senimdi ókilderimmen birge Qazaq­stan­nyń óńir­leriniń túkpir-túk­pir­lerine baryp, elimizdiń oblys­ta­ry men qalalaryn, aýdandaryn, eldi mekenderin múmkin­diginshe aralap shyqtyq. Myńdaǵan sha­qy­rym joldar júrilip, júz­de­­gen adammen kezdesýler ót­kizildi. Al bizge bul kezdesýlerden aıqyn bolǵan basty nárse – qarapaıym halyqtyń múddesi úshin sheginbeı, árdaıym al­dyń­ǵy shepten kórinińder degen saı­laýshylardyń ótinishteri boldy. Daǵdarys tolqyny halyqty kedeılikke ákelip, olardy bola­shaq­qa degen seniminen aıyrdy. Qarttar kúnin sanaýda, jastar baǵyt-baǵdarsyz qalyp, adamdar joqshylyqtyń taýqymetin kórý­de. Men barǵan jerlerdiń barly­ǵynan «budan bylaı osylaı ómir súrýge bolmaıdy» degen bir ǵana nárseni estidim. Memlekettiń óziniń áleýmettik mindetterinen qashqaqtaýy uzaqqa sozylmaýy kerek. Saılaý naýqanynda ózi­miz­ge belgili bolǵan basty qory­tyndy: qazaqstandyq saıa­sattyń kúrt ózge­ris­ten tys qala al­maýy. Adamdar óz­de­riniń taǵ­dy­ryn jasaýǵa mem­le­ket­tiń ara­las­qanyn talap etýde. Olar áleý­mettik jaýap­ty memleketke jáne áleýmettik eko­nomı­kaǵa ba­ǵyttal­ǵan ashyq qoǵamǵa sha­qy­rady», – dedi kandıdat. Budan keıingi kezekte prezıdenttikten úmitker saılaýdyń elektoral­dy nátıjesi qandaı bolsa da ol eń aldymen, joǵal­ǵan qoǵamdyq murat­tar­dy qaıta jańǵyrtýǵa baǵyttalýy qajet degen oıyn jetkizdi. «Reformalar baǵyttarynyń basymdyq­taryn qaıta qarastyratyn kez jetti. Ekono­mıkalyq baǵyt­tar­dyń 20 jylǵy absolıýttenýi kór­setip otyrǵandaı, tereń eko­nomıkalyq jańǵyrýlar da ózdi­ginen jeke-dara jańa saıası ıns­tı­týttardy qalyptastyra al­maı­dy. Bizge jańarǵan memlekettik ıdeologııa qajet. Jáne saıası reformalardyń úılesim­di­ligi kerek», – dedi bul týrasynda úmitker. Onyń pikirinshe, halyqshyl kommýnısterdiń baǵdarlamasy adamdar kóńiline «taǵdyry­myz­dy ózgerte alamyz» degen senimderin oıatqan. «Eń bastysy – osy. Bizdiń halqymyzdyń úmitin al­daýymyzǵa quqymyz joq», – dedi J.Ahmetbekov. Basqosý kezinde ol sondaı-aq áli de belsendi jumys istep, QKHP aldaǵy parlamenttik saılaýǵa kúshti, ju­myl­ǵan, shyn mánindegi halyq­tyq partııa retinde kelýi qajet degen oıymen bólisti. Bul kúngi kezdesýde sóz alǵan Qazaqstan Kommýnıstik halyq­tyq partııasy Ortalyq komı­te­tiniń hat­shy­sy Vladıslav Kosarev BAQ ókil­derin kóktemgi partııa  shaqyrylymy men saılaý naý­qa­ny­na jáne saılaýaldy úgit-na­sı­hat sharalarynyń soń­ǵy kú­nine oraı­lastyrylǵan jal­py­ulttyq sen­bilik aksııasy jóninde aıtyp ótti. «Bizdiń ózimizdiń atqarǵan ju­­mystarymyzǵa kóńilimiz to­lady. Sondaı-aq, biz el tur­ǵyn­dary Kommýnıstik halyqtyq partııa usynǵan tujyrymdama­lar­ǵa sene me degen oıymyzdy tekserip kórdik. Bul jerde aıt­paǵymyz: ıá, senedi eken. Sebebi, bizdiń kótergen bastamalarymyz ben usynǵan baǵdarlamalarymyz kóp jerde qoldaý taýyp keledi», – dedi partııa hatshysy. Sondaı-aq, ol óz sózinde saıa­sı mo­der­nızasııanyń arnaıy pishini ázir­lenýi qajet degen oıyn jetkizdi. Bul pishinde saıası bılik ıns­tı­týty kórinis taýyp, sol negizde halyq pikiri eskerilýi kerek eken. V.Kosarev eldegi saılaý júıe­sine memlekettik basqarý qurylymy retinde qaramaý kerek, ol barlyq zań normalaryna saı keletin qoǵamdyq kúsh retinde qalyptasýy qajet. Sol úshin el ishinde saıası jańarý úderisi júrýi kerek degen pikirin de jetkizdi. «Bul búgingi bılikke qoıylar basty talap», – dedi ol. Bul kúngi kezdesýde oǵan qaty­sýshylarǵa «Qazaqstan Prezıdentine joldaý» taqyryby aıasyn­da eki beınefılm kórsetildi. Láıla EDILQYZY. Astana.