Túrkııanyń Syrtqy ister mınıstri Mevlıýt Chavýshogly osylaı dep málimdedi, dep jazady 24kz.
«Astanadaǵy alqaly jıynda qatysýshy taraptar oq atpaý týraly ýaǵdalastyqty odan ári nyqtap, bul mańyzdy kelisimdi Sırııanyń barlyq aımaǵyna engizý jóninde pikirlerimen bólisti. Sondaı-aq úkimet pen dala komandırlerinen turatyn oppozısııalyq top ókilderi Sırııanyń aldaǵy keleshegi men saıası úderisteri tóńiregindegi ustanymdaryn aıqyndady. Nátıjesinde Sırııada oq atýdy toqtatyp, arandatýshylyqty boldyrmaý boıynsha júıeni qadaǵalaıtyn úshjaqty mehanızm qurý týraly kelisimge keldik», - dep atap ótti Túrik syrtqy ister vedomstvosynyń basshysy.
Eki kúnge sozylǵan Astanadaǵy Sırııa máselesine arnalǵan kelissózdi túrik sarapshylary da jiti baqylady.
Ahı Evran ýnıversıtetiniń professory, saıasattanýshy Kýrshad Zorlýdyń aıtýynsha, Astana prosesi 8 aqpanda josparlanǵan Jenevadaǵy jıynǵa jańasha serpin bermek.
"Astana arazdasqan elderdi eldestirip, kún tártibindegi kúrmeýi sheshilmeı turǵan kúrdeli máselelerdi beıbit jolmen retteıtin dıplomatııalyq alańǵa aınalǵaly qashan?! Osy joly da Astana búkil álemdi alańdatyp otyrǵan Sırııadaǵy qantógisti toqtatyp, elde beıbitshilik pen turaqtylyqtyń ornaýyna túrtki bolsa, onda Qazaqstannyń jahandyq turaqtylyq pen adamzat órkenıetine qosqan kezekti úlesi bolatyny anyq. Astana prosesi keskilesken qaqtyǵysqa qatysy bar taraptardyń basyn jıyp, shıelenisti saıası jolmen sheshýge barlyq múmkindikti jasady. Endi onyń nátıjesi Jenevadaǵy jıyndy tolyqtyryp, alqaly otyrysqa jańasha serpin beredi dep oılaımyn", - Ahı Evran ýnıversıtetiniń professory saıasattanýshy: - Kýrshad Zorlý.