Jeti fılm jeti janrda jol tartady

Ár rejısser jalyna qol arta bermeıdi, sol sebepti bul sala qoldaýǵa zárý. Bıyl da Sh.Aı­manov atyndaǵy «Qazaqfılm» kınostýdııasynyń «Debıýt» shyǵar­mashylyq óndiristik birlestigi daıyndaǵan jeti qysqa­­met­rajdy kórkem fılm­niń óndirisi aıaqtaldy. Qysqa­metrajdy fılm túsirýmen aınalysatyn birlestiktiń bıylǵy tańdaýy janry jaǵynan bir-birine uqsamaıtyn jeti ssenarııge tústi. E.Boranshynyń «Jetim burysh», Baımurat Jumanovtyń «Jestkıı tıp», A.Áýelbektiń «Mısha», A.Baırakımovtiń «Na granı», A.Musataevtyń «Hat», D.Mahmuttyń «Taksıst» jáne E.Raqymbekovtiń «El Frıman» fılmderi jaqyn arada kórer­menge jol tartpaq. Qazirgi ýaqytta barlyq fılmderdiń túsirilimi aıaqtalyp, montajdaý kezeńine ótken. Jeti fılm de Mádenıet jáne sport mınıstrliginiń tapsyrysy boıynsha túsirilgen. Sh.Aımanov atyndaǵy «Qazaq­fılm» AQ prezıdenti Baqyt Qaıyrbekov qysqa nusqa­daǵy jańa týyndylardyń túsirilýin eń aldymen jańa esim­derdiń jaryqqa shyǵýymen baılanystyrdy. «Qazaqfılmniń» negizgi maqsattarynyń biri – jas kınematografısterge qoldaý kórsetý. Osy oraıda, biz jyl saıyn alty-jeti jas talapkerge tyrnaqaldy fılmderin túsirýge múmkindik beremiz. Bul múmkindik tek rejısserlerge ǵana emes, sondaı-aq, basqa da jas kıno mamandaryna beriledi. Qazaq kınosynyń keleshegi osy jastardyń qolynda, sondyqtan da olarǵa kıno ónerine jol ashý qajet», – dedi. «Qazaqfılm» kınostýdııasynda 1959 jyldan bastap qysqametrajdy kıno túsirilip keledi. Keıinnen «Debıýt» shyǵar­mashylyq óndiristik birlestigi bolyp ashylǵan. Sodan beri bul birlestik talaı rejısserlerdiń tanylýyna serpin berdi. Kınomen aınalysqysy keletin jastar, fılm túsirý­ge qul­shynatyndar kóp. Al, «Qazaqfılm» jas rejısserlerdiń ssenarıılerin qandaı talappen tańdaıdy? Tańdaý úrdisiniń qalaı júretini týraly 1988 jyly «Qazaqfılmde» óziniń tyrnaqaldy «Shilde» atty qys­qametrajdy fılmin túsirgen rejısser, birlestiktiń kórkemdik jetekshisi Dárejan О́mirbaev bylaı dedi: «Rejısserlerdi óndiriske jiberýdiń aldynda qorjynymyzǵa kelip túsken ssenarıılerdi talqylaımyz. Sonyń ishinen jaqsy dúnıe shyǵady degenderin iriktep alamyz. Ssenarıı avtorlarymen sóılesip, olardyń dúnıetanymymen tanysamyz. Osyǵan deıin túsirgen fılmderin kóremiz. Tek sodan keıin ǵana óndiriske jiberý máselesin qarastyramyz». Rejısser úshin de, birlestikke de fılmderdiń kórkemdik erek­sheligi, taqyryby, aıtar oıy asa mańyzdy. Birles­tik­tiń basty maqsaty – jas kıne­ma­tografısterdi ssenarıı jazýdan bastap, post-pro­dak­sh­nge deıingi óndiris úrdi­simen tanys­tyrý. «Debıýt» shyǵar­mashylyq óndiristik birles­tigi j­yl saıyn onǵa jýyq jas kınematografısterdiń kıno túsirýine múmkindik beredi. «Debıýt­tiń» jetekshisi Anar Qa­sha­ǵa­nova osy birlestikti bir­neshe jyldan beri basqaryp keledi. Aıgúl AHANBAIQYZY, «Egemen Qazaqstan» ALMATY