Qazaqstannyń Memlekettik rámizderi men jańa Konstıtýsııasy Gımalaıdaǵy Aılend-Pık (Imdja-Se) shyńyna, 6189 metr bıiktikke kóterildi. Bul mıssııany áıgili qazaqstandyq alpınıst Ǵalymjan Qusmanov júzege asyrdy, dep habarlaıdy Egemen.kz.
Bul jetistik tek sporttyq nátıje ǵana emes, sonymen qatar Qazaqstannyń halyqaralyq bedelin nyǵaıtatyn mańyzdy oqıǵa retinde baǵalanyp otyr. Mundaı jetistikter eldiń álemdik alpınızmdegi orny bar memleket ekenin aıǵaqtaıdy.
Ekspedısııa barysynda Qazaqstan týymen birge «AMANAT» partııasynyń jalaýy da kóterildi. Bul joba jastarǵa úlken maqsattarǵa jetý úshin tártip, tózimdilik jáne otanǵa adaldyq qajet ekenin kórsetetin úlgi retinde sıpattalýda.
Ǵalymjan Qusmanovtyń bul sapary buǵan deıingi jetistikteriniń jalǵasy. Ol partııa qataryna qabyldaný kezinde Qazaqstan Konstıtýsııasy men partııa jalaýyn Májilis spıkeri, partııa tóraǵasy Erlan Qoshanovtan qabyldap alǵan bolatyn. Alpınıst úshin bul rásim formaldy emes, jeke jaýapkershiliktiń sımvoly bolǵan.
Almatylyq dáriger Sıngapýrdan kelgen alpınısti qutqaryp qaldy
Aılend-Pıkke kóterilý asa qıyn aýa raıy jaǵdaıynda ótti. Sportshynyń aıtýynsha, jeldiń qatty ekpini men qarly boran ár qadamda kedergi keltirgen.
«Grebende jeldiń ekpini sonshalyq – áreń turasyń. Qar betke urady. Alda – muz jáne jartasty ótkelder. Munda ne alǵa júresiń, ne keri qaıtasyń. Men batyr babalar jolyn tańdadym – keri sheginý joq», dedi Ǵalymjan Qusmanov.
Bul tabys ony halyqaralyq deńgeıdegi rekord ıegeri retinde bekitti. Ol «7 výlkan» halyqaralyq baǵdarlamasyn tolyq aıaqtaǵan alǵashqy qazaq atandy. Fınaldyq shyń – Meksıkadaǵy Orısaba (5636 m) boldy. Buǵan deıin Qazaqstan týy Afrıka, Ońtústik Amerıka jáne Antarktıdadaǵy eń bıik shyńdarda kóterilgen.
Alǵash ret qazaq alpınısteri Eıger taýynyń soltústik qabyrǵasyn baǵyndyrdy
Alpınıst óz tańdaýynyń sebebin qundylyqtardyń uqsastyǵymen túsindiredi. Onyń aıtýynsha, alpınızm de, qoǵamdyq qyzmet te naqty áreket pen nátıjeni talap etedi.
Aldaǵy josparlar qatarynda 6476 metrlik Mera-Pıkke shyǵý jáne «7 shyń» baǵdarlamasyn Alıaskadaǵy Denalı shyńyn baǵyndyrý arqyly aıaqtaý bar.
Júrek jutqan alpınıst