Astanada úsh birdeı jeke turǵyn úıden órt shyqty. Oqıǵa Baıqońyr aýdanyndaǵy Tolstoı kóshesinde bolǵan, dep habarlaıdy Egemen.kz
Qazaqstan Respýblıkasy Tótenshe jaǵdaılar mınıstrliginiń baspasóz qyzmetiniń habarlaýynsha, órt sóndirýshiler oqıǵa ornyna jetken kezde jalyn qatar ornalasqan úsh úıdiń shatyryn tolyq sharpyǵan.
Qutqarýshylardyń jumysyna janǵysh materıaldardyń kóptigi men qoıý tútin kedergi keltirgen. Soǵan qaramastan, órt sóndirý qyzmeti úzdiksiz sý berýdi uıymdastyryp, birneshe órt sóndirý oqpanyn iske qosty.
О́rt sóndirýshiler jalyn oshaǵynan bes gaz ballonyn der kezinde shyǵaryp, yqtımal jarylystyń aldyn aldy.
Qazirgi ýaqytta órt tolyqtaı sóndirildi. Zardap shekkender týraly aqparat túsken joq.