Qazaqstanda 1 maýsymnan bastap jazǵy shınalar maýsymy resmı túrde bastalady. Osy kúnnen bastap kólikti qysqy shınalarmen basqarǵan júrgizýshiler ákimshilik jaýapkershilikke tartylýy múmkin, dep habarlaıdy Egemen.kz
Ákimshilik quqyq buzýshylyq týraly kodekske sáıkes, maýsymǵa sáıkes kelmeıtin shınalardy paıdalanǵany úshin 5 aılyq eseptik kórsetkish (21 625 teńge) kóleminde aıyppul qarastyrylǵan. Eger mundaı quqyq buzýshylyq bir jyl ishinde qaıtalansa, aıyppul mólsheri 20 AEK-ke deıin ósedi.
«Dóńgelekti kólik quraldarynyń qaýipsizdigi týraly» tehnıkalyq reglamentke sáıkes, jazǵy shınalardaǵy protektordyń bıiktigi keminde 1,6 mıllımetr bolýy tıis.
Sondaı-aq mamandar paıdalaný merzimi 5-6 jyldan aspaıtyn shınalardy qoldanýǵa keńes beredi. О́ıtkeni ýaqyt óte kele rezeńke óziniń serpimdilik qasıetin joǵaltyp, protektorynyń tereńdigi talapqa saı bolǵannyń ózinde joldaǵy júktemege tótep berý qabileti tómendeýi múmkin.