«Astana qalasynyń aınalma joly» avtojolynyń ýchaskesinde qozǵalys ýaqytsha shekteledi, dep habarlaıdy Egemen.kz
«QazAvtoJol» ulttyq kompanııasy «Astana qalasynyń aınalma joly» avtomobıl jolynyń 8-22 shaqyrym aralyǵynda ortasha jóndeý jumystarynyń júrgizilýine baılanysty kólik qozǵalysyna 2026 jylǵy 15 maýsymǵa deıin ýaqytsha shekteý engiziletinin habarlaıdy.
Astananyń eki kóshesinde ýaqytsha kólik qozǵalysy shekteledi
Jóndeý jumystary kezeńinde Qaraǵandy baǵytyna qatynaıtyn kólik quraldarynyń qozǵalysy ýaqytsha uıymdastyrylǵan aınalma marshrýt arqyly júzege asyrylady. Atap aıtqanda, júrgizýshiler Qostanaı, Kókshetaý, Qosshy jáne Qaraǵandy baǵyttary arqyly júre alady.
Jumys júrgiziletin ýchaskede ýaqytsha jol belgileri men aqparattyq kórsetkishter ornatyldy.
Osyǵan baılanysty júrgizýshilerden qozǵalys baǵytyn aldyn ala josparlaýdy, ýaqytsha jol belgileriniń talaptaryn saqtaýdy, belgilengen jyldamdyq rejımin ustanýdy jáne jol qozǵalysy erejelerin qatań oryndaýdy suraımyz.
Ýaqytsha qolaısyzdyqtar úshin keshirim suraımyz jáne júrgizilip jatqan jumystarǵa túsinistikpen qaraýlaryńyzdy ótinemiz.