Áleýmettik saýaldamalar áleýeti

Keshe túngi saǵat 24:00 kezinde Al­matydaǵy Ulttyq baspasóz klý­byn­da Qazaqstan áleýmettanýshylary men saıasattanýshylarynyń asso­sıa­sııasy exit-roll ádisi boı­yn­sha respýb­lıkanyń barlyq aımaq­ta­ryn­da júr­gizilgen áleýmettik saýalda­ma­lar­y­nyń nátıjesin jarııalady. Aldyn ala eskerte ketý kerek. Bul qorytyndy nátıje emes. Elimizdiń oń­tús­tigi men batys aımaqtarynyń ara­syn­da 1 saǵat ýaqyt aıyrmashylyǵyn es­kersek, onda ÁmSA tún or­ta­synda ja­rııalaǵan nátıjeler áli de tolyǵa tú­sýi qajet. Sonymen, ÁmSA-nyń jedel ja­rııa­laǵan málimetteri mynadaı. ÁmSa pre­zıdenti Baqytjamal Bekturǵanovanyń málimdeýinshe, Qazaqstan boıynsha ha­lyqtyń saılaýǵa qatysýy orta eseppen 84,9 paıyzdy quraǵan. – Prezıdenttik saılaýda basym daý­ysty Nursultan Nazarbaev ıemdendi – oǵan saýaldamaǵa jaýap berýshilerdiń jalpy sanynyń 94,82 paıyzy daýys berdi. Ekinshi orynda – Patrıottar par­tııasynyń kóshbasshysy, senator Ǵanı Qasymov (2,17 paıyz). Odan keıin Qa­zaq­stannyń Kommýnıstik halyqtyq par­tııasynyń ókili Jambyl Ahmetbekov (1,57 paıyz) bolsa, bul tizimdi «Ta­bı­ǵat» qoǵamdyq qozǵalysynyń jetekshisi Mels Eleýsizov aıaqtap tur. Oǵan exit- roll saýaldamasynyń nátıjesi boı­yn­sha saılaýshylardyń 1,44 paıyzy óz daý­ystaryn berdi, – dedi Bekturǵanova. Keshe, ıaǵnı 3 sáýirde ÁmSA-nyń ar­naıy saýaldama júrgizýshileri tań­ǵy saǵat 07:00-den bastap keshki 20:00-ge deıin saılaý ýchaskeleriniń aldynda tur­dy. Saýaldamaǵa elimizdiń 14 obly­sy­nyń jáne Astana men Almaty qala­larynyń saılaýshylary tartylǵan. Bul saýaldamaǵa qatystyrylǵandar eli­mizdegi búkil saılaý jasyndaǵy bú­kil ha­lyqtyń 1,2 paıyzyn quraıdy. Iаǵnı, barlyǵy shamamen 110 myń adam. Onyń ishinde 75 paıyzy – qala­lyqtar, 25 paı­yzy – aýyl halqy. Qa­lalardaǵy saılaý ýchaskeleriniń sany – 74, aýyldaǵysy – 28, – dedi ÁmSA jetekshisi. Saýaldamany ótkizýge ÁmSA-nyń aımaqtyq jelisi qatystyrylǵan. Bul – shamamen 700 adam. Barlyq qyzmet­ker­ler exit-roll ádistemesiniń negizinde saı­laýshylarmen jumys júrgizý teh­no­lo­gııa­sy boıynsha oqytý kýrsynan ót­ken. Jáne saýaldamaǵa qatysty ju­mystarǵa saıası partııalar men qoǵam­dyq bir­les­tikterdiń ókilderi qatys­ty­rylmaǵan. Exit-roll nátıjesi boıynsha saılaýǵa eń belsendi qatysqan Ońtústik Qa­zaq­stan oblysy – 98,7 paıyz. Eń tómengi kórsetkish Almaty qalasyna tıesili – 65,3 paıyz. Buǵan keshe Almatydaǵy asa qolaısyz aýa raıynyń da keri áseri bolǵany baıqalady. Jáne 1 myńǵa tarta adam saýal­da­ma­ǵa qatysýdan bas tartqan. Sondyqtan da Ortalyq saılaý komıteti men ÁmSA kórsetkishi arasynda aıyrmashylyq bol­sa, osydan týyndaýy múmkin. Biraq, bu­ryn-sońdy exit-roll tájirıbesinde dál osyndaı qatysý bolmaǵan. Tolaıym al­ǵanda, el saılaýǵa belsendi qatysty dep esepteýge bolady, – dedi Bektur­ǵa­nova. Baspasóz máslıhatynda B.Bektur­ǵa­no­va hanym birneshe saılaý ýchaskesinde ózderine jumys jasaýǵa kedergi keltirilgenin atady. Aınash ESALI, Almaty.