Ishki ister mınıstrligi 1414 nómirinen keletin SMS-habarlamalar arqyly jasalatyn alaıaqtyq derekteriniń jıilegenin habarlady, dep jazady Egemen.kz.
Habarlama arqyly kod alǵan azamat birden psıhologııalyq qysymǵa tap bolady. Artynsha alaıaqtar qońyraý shalyp, ózderin bank, poshta, salyq organdary nemese quqyq qorǵaý qurylymdarynyń qyzmetkeri retinde tanystyryp, túrli qosymshalardy ornatýǵa nemese kúmándi siltemelerge ótýge úgitteıdi.
«Olar azamattardy «jeke derekterińiz urlandy» dep sendirip, shuǵyl túrde aqsha aýdarýdy nemese nesıe rásimdeýdi talap etedi. Alaıda bul – psıhologııalyq aıla ǵana. 1414 nómirinen kelgen SMS nesıeniń alynǵanyn ańǵartpaıdy. Sebebi bankter ózderiniń kópsatyly qorǵanys júıelerin qoldanady. Kóbine egde jastaǵy adamdar jábirlenýshi bolyp qalady. Olardy depozıttegi qarajatyn sheship alýǵa, «saqtandyrý shotyna» aýdarýǵa, múlkin satýǵa nemese kepilge qoıýǵa kóndiredi. Alaıaqtar qarajatty kýrerler nemese messendjerler arqyly ıemdenedi», dedi Almaty qalasy PD kıberqylmysqa qarsy kúres basqarmasynyń bastyǵy Ánes Qaldybaev.
Ulttyq bank eskertedi: Tólem kartasyn buǵattaý arqyly jasalatyn alaıaqtyq kóbeıdi
Sonymen qatar Ánes Qaldybaevtyń aıtýynsha, ınternet arqyly taýar satý jáne jalǵan ınvestısııalyq usynystarǵa qatysty shemalar da keń taralǵan. Qaskóıler tómen baǵa nemese joǵary tabys ýáde etip, aldyn ala tólem talap etedi, keıin baılanysqa shyqpaı qoıady.
Asa iri kólemde alaıaqtyq jasaǵan Qazaqstan azamaty Túrkııadan ekstradısııalandy
Sondaı-aq «týysyńyz jol-kólik oqıǵasyna tústi» degen mazmundaǵy qońyraýlar arqyly emosıonaldyq qysym jasap, aqsha bopsalaý faktileri kezdesedi.
«Eń basty qaǵıda – jeke derekterińizdi, bank kartalarynyń rekvızıtterin jáne kelgen kodtardy eshkimge habarlamaý. Qońyraý shalýshy ózin bank nemese polısııa qyzmetkeri retinde tanystyrsa da, aqparatty ózińiz derbes tekserińiz. Psıhologııalyq qysym men manıpýlıasııaǵa berilmeńiz», dedi Ánes Qaldybaev.
Internet-alaıaqtyqqa qarsy naqty nátıje: Jetisýda 600 myń teńge qaıtaryldy