Eń kóp daýys jınaǵan kim?

Keshe ótken kezekten tys prezıdenttik saılaý kezinde árbir saılaý ýchaskesiniń shyǵa berisinde daýys berip shyqqan adamdarmen aldyn-ala saýaldama júrgizilgen bolatyn. Onda árbir adamǵa prezıdenttikke kandıdattardyń qaısysyna óz daýy­syńyzdy berdińiz degen suraq qoıyldy. Osy saýal­damany júrgizgen «Demokratııa ınstıtýty» ǵylymı-zertteý asso­sıasııasynyń jobalar jónindegi dırektory Iýlııa Kýchınskaıa exit-poll nátıjesin habarlady. Mundaı keń aýqymdy zertteý júrgizý atalǵan ınstı­týttyń bastamasy bolyp tabylady jáne ol ınstıtýttyń óz qarajaty esebinen volonterlerdi tarta otyryp júzege asy­ryldy. Zertteý barysynda Qazaqstannyń 14 oblysynan,  son­daı-aq Astana jáne Almaty qalalarynan 50 myń saı­laý­shyǵa joǵarydaǵydaı bir ǵana saýal qoıyldy. Jalpy, saýaldama 333 saılaý ýchaskesinde júrgizildi, onyń ishinde 193-i qalada, 140-y aýylda ótti. Munda qatelik koef­fısenti, ınstıtýt atap ótkendeı, ± 0,44 paıyzdy quraǵan. Saýaldama qorytyndysy boıynsha daýys berýge kelgen saılaýshylar 90,5 paıyzdy quraǵan. Qorytyndylaı kelgende saýaldamaǵa qatysqandardyń basym bóligi, ıaǵnı 95,1 paıyzy óz daýystaryn Memleket basshysy Nursultan Ábishuly Na­zar­baevqa bergen. Ekinshi oryndaǵy Ǵanı Esengeldiuly Qa­sy­mov 2,1 paıyz daýys jınaǵan. Exit-poll málimetteri boıynsha saı­laýshylardyń 1,5 paıyzy Mels Hamzauly Eleýsizovke óz daý­ystaryn bergen. Al saýaldamaǵa qatysqan­dardyń 1,3 paıyzy Jambyl Aýjanuly Ahmetbekovke daýys berdik dep málimdegen.