Saılaý ýchaskeleri aldynda júrgizilgen exit-poll qorytyndylary
2011 jyldyń 3 sáýirinde «Strategııalyq taldaýlar qory» qoǵamdyq qory kezekten tys prezıdent saılaýynda daýys bergen qazaqstandyqtar arasynda saýaldama júrgizdi. Saılaýshylarǵa saýaldar saılaý ýchaskelerinen shyqqan bette qoıyldy.
Zertteý 14 oblys pen Astana jáne Almaty qalalarynda barlyǵy 118 saılaý ýchaskelerinde júrgizildi. Saılaý ýchaskelerin irikteý el óńirleri boıynsha geografııalyq ornalasýy jáne qala men aýyl halqynyń tepe-teń bólinýine sáıkes júzege asyryldy.
Ár saılaý ýchaskesinde orta eseppen 210 adamǵa suraý salyndy, irikteýdiń jıyntyq mólsheri 24 782 adamdy quraıdy. Jalpy sany 230-dan astam suhbat alýshy jumysqa tartyldy. Saýaldama júrgizý saılaý ýchaskeleriniń ashylýymen (jergilikti ýaqyt boıynsha 7.00 saǵat) bir mezgilde bastalyp, olar jabylǵan kezde (20.00 saǵatta) aıaqtaldy.
Málimetter boıynsha saılaýshylardyń saılaý ýchaskelerine kelýi 88,3 paıyzdy qurady.
Zertteý nátıjeleri boıynsha saılaýshylar daýystary tómendegishe bólindi.
N.Nazarbaev – 95,57%;
Ǵ.Qasymov – 1,94%;
M.Eleýsizov – 1,44%;
J.Ahmetbekov – 1,05%.