Aqmola oblysy ákiminiń orynbasarlary men birinshi orynbasary taǵaıyndaldy, dep habarlady QazAqparat.
QR Prezıdenti Ákimshiliginiń kelisimi negizinde oblys ákimi Sergeı Kýlagınniń ókimimen Aqmola oblysy ákiminiń birinshi orynbasary bolyp Dáýren Zekenuly Ádilbekov taǵaıyndaldy. Sondaı-aq Egor Iаkovlevıch Kappel men Janbolat Amangeldiuly Smaıylov ákimniń orynbasarlary boldy.
D.Z. Ádilbekov 1956 jyly týǵan, bilimi joǵary. Injener- elektr mehanıgi mamandyǵy boıynsha Novosibir elektrtehnıkalyq ınstıtýtyn, joǵary dárejeli menedjer mamandyǵy boıynsha Halyq sharýashylyq akademııasyn (Máskeý q.) aıaqtady. Ekonomıka ǵylymdarynyń doktory, professor. Ár jyldary Kókshetaý oblysy ákiminiń orynbasary, Soltústik Qazaqstan oblystyq ekonomıka basqarmasynyń bastyǵy, Kókshetaý qalasynyń ákimi laýazymdaryn atqardy. 2008 jylǵy qazannan bastap Aqmola oblysy ákiminiń orynbasary bolyp qyzmet jasady. «Qurmet» ordenimen jáne merekelik medaldarmen marapattalǵan.
E.Iа. Kappel 1957 jyly týǵan, bilimi joǵary. Selınograd ınjenerlik-qurylys ınstıtýtyn ınjener-qurylysshysy mamandyǵy boıynsha bitirdi, Q.Sátbaev atyndaǵy Qazaq ulttyq tehnıkalyq ýnıversıtetinde ekonomıka ǵylymdarynyń magıstri dárejesine ıe boldy.
Eńbek jolyn 1980 jylǵy qarashada Aqmola oblysy, Vıshnevskıı aýdany «Vıacheslavskıı» keńsharynyń tehnıkalyq baqylaý jónindegi ınjeneri bolyp bastady.
1987-1995 jyldary - Aqmola oblysy, Vıshnevskıı aýdandyq atqarý komıteti tóraǵasynyń orynbasary, Aqmola oblysy «Anar» keńsharynyń dırektory.
1995-2004 jyldary Arshaly aýdanynyń, keıin 2007 jylǵy tamyzǵa deıin Ereımentaý aýdany ákiminiń laýazymdaryn atqardy. Qazaqstan Respýblıkasy Parlamenti Májilisiniń IV jáne V shaqyrylymdarynyń depýtaty. 2016 qyrkúıekten bastap Qazaqstan Respýblıkasy Kásipodaqtar federasııasy tóraǵasynyń keńesshisi qyzmetinde boldy.
«Qurmet», II dárejeli «Dostyq» ordenderimen, «Altyn Barys» aıyryqsha belgisimen, merekelik medaldarmen marapattalǵan.
J.A. Smaıylov, 1969 jyly týǵan, bilimi joǵary. Selınograd ınjenerlik-qurylys ınstıtýtyn ınjener-mehanık mamandyǵy, L.N. Gýmılev atyndaǵy Eýrazııa ulttyq ýnıversıtetin zańger mamandyǵy boıynsha aıaqtady. Ekonomıka ǵylymdarynyń kandıdaty.
Eńbek jolyn 1991 jyly «Kazavtomotoservıs» Aqmola oblysaralyq bazasynda ınjener-ekspedıtor bolyp bastady.
1995 - 2004 jyldary - «Akmolatransagentstvo», «Bulandy kareri» AQ prezıdenti.
2004-2005 jyldary - Shortandy aýdanynyń ákimi, 2005-2008 jyldary aralyǵynda Stepnogorsk qalasynyń ákimi laýazymdaryn atqardy.
2008 jylǵy mamyr men qazan aralyǵynda - Qazaqstan Respýblıkasy Prezıdenti Ákimshiliginiń memlekettik ınspektory.
2008-2010 jyldary - Soltústik Qazaqstan oblysy ákiminiń birinshi orynbasary.
2010-2014 jyldar aralyǵynda Qazaqstan Respýblıkasy Tótenshe jaǵdaılar vıse-mınıstriniń laýazymynda boldy.
2014 jylǵy qazannan - «Qalqaman-Astyq» kompanııalar toby dırektorlar keńesiniń tóraǵasy.