Jeńil salmaqta WBA (Super) jáne IBO tujyrymdary boıynsha álem chempıony Janat Jaqııanovqa (27-1, 18 KO) Petropavlda úsh bólmeli páterdi syıǵa tartty. Bul týraly sputniknews.kz habarlady.
Jańa páterdiń kiltin Soltústik Qazaqstan oblysynyń ákimi Erik Sultanov tabys etti. О́ńir ákimdiginiń saıty boksshynyń qosymsha aqshalaı syılyq alǵanyn habarlady.
33 jastaǵy bylǵary qolǵap sheberi Petropavl qalasynda týyp, osynda turyp keledi. Onyń anasy, jary, toǵyz aılyq uly Erdos pen bir jarym jasar qyzy Nuraı bar. Ýaqytynyń kóbin Ulybrıtanııada ótkizedi. Munda ol bapker Rıkkı Hattonmen jattyǵý jumystaryn ótkizedi.
«Janattyń jarqyn jeńisi, qos belbeýdiń ıegeri atanǵanynyń arqasynda reıtıngte jerlesimiz Beıbit Shúmenovten ozyp, Golovkınmen bir qatarda turýyna múmkindik berdi. Sonymen qatar, kásipqoı boksta chempıondary sany jaǵynan elimiz úzdik bestikke endi», – dedi óńir ákimi.
Aıta keteıik, 11 aqpan kúni AQSh-ta Janat Jaqııanov amerıkalyq Roýshı Ýorrendi (14-2, 4 KO) jeńip, WBA (Super), IBO nusqalary boıynsha jańa álem chempıony atandy.