Aýǵanstanda sońǵy on kúnde nóser jaýyn saldarynan bolǵan sý tasqyny men kóshkinderden 77 adam qaza tapty, taǵy 137 adam jaraqat aldy, dep habarlaıdy Egemen.kz.
Tótenshe jaǵdaılarmen kúres basqarmasynyń málimetinshe, tabıǵı apat iri zalal keltirgen. 793 úı tolyq qırap, taǵy 2673 úı zaqymdanǵan. Sondaı-aq shamamen 337 shaqyrym jol shaıylyp ketken. Kásiporyndar, aýyl sharýashylyǵy alqaptary men sýarý júıeleri zardap shegip, 5800-den astam otbasyǵa áser etken.
Aldaǵy kúnderi sınoptıkter el boıynsha jaýyn-shashyn jalǵasatynyn boljady. Osyǵan baılanysty bılik turǵyndardy ózen jaǵalaýlary men sý basý qaýpi bar aımaqtardan aýlaq bolýǵa shaqyrdy.
Sý tasqyny men kóshkinder el astanasyn óńirlermen baılanystyratyn negizgi tasjoldarǵa da zııan keltirgen.
Aýǵanstanda 500-den astam mýzykalyq aspap ádeıi órteldi
Aýǵanstan ekstremaldy aýa raıy qubylystaryna osal ári álemdegi eń kedeı elderdiń biri bolǵandyqtan, mundaı apattar alǵash ret bolyp otyrǵan joq. Buǵan deıin de qalyń qar men kenetten bolǵan sý tasqyndary kóptegen adamnyń ómirin qıǵan.