Ispanııa bıligi «Barselona» klýbynyń juldyzdy oıynshysy Lamın Iаmaldiń Ispanııa chempıonatyndaǵy jeńisten keıingi parad kezinde Palestına týymen kórinýine qatysty pikir bildirdi, dep jazady Egemen.kz.
Premer-mınıstr Pedro Sanches oıynshyny qoldap, onyń áreketin «mıllıondaǵan ıspandyqtardyń» palestınalyqtarmen tilektestigin bildirýi dep baǵalady. Alaıda «Barselona» klýby bul áreketti Iаmaldiń «jeke sheshimi» degendi aıtyp qaldy. Buǵan qosa, klýb ızraıldik jankúıerlerge resmı hat joldaǵany aıtylady.
«Realdyń» 8 oıynshysy «Barselonaǵa» qarsy oınamaıdy: Tizimde Mbappe de bar
Tegi Marokkolyq oıynshy Iаmaldiń Palestına týyn kórsetýi Tel-Avıvte de nazardan tys qalmady. Izraıl qorǵanys mınıstri Israel Kas bul áreketti «arandatýshylyq» jáne «jekkórýshilikti tutandyrý» dep atady.
«Bul áreket – oıynshymen maqtanýǵa taǵy bir sebep», dep jaýap berdi Ispanııa premer-mınıstri áleýmettik jelide.
Bul jaǵdaı Ispanııa men Izraıl arasyndaǵy qarym-qatynastyń nasharlaýy aıasynda boldy. Madrıd Gazadaǵy soǵysqa baılanysty Izraıldi qatty synǵa aldy. Ispanııa 2024 jyly Palestına memleketin resmı túrde moıyndaǵan alǵashqy iri eýropalyq elderdiń qataryna qosyldy.
Sonymen qatar, Sanches Palestınany moıyndaý Izraılge qarsy ustanymdy bildirmeıtinin aıtty. Sońǵy aılarda ol Izraılmen seriktestik týraly kelisimdi toqtata turýǵa shaqyryp, Eýropa Odaǵyn «ekijaqty pozısııa» qoldanady dep aıyptady.