Batys Qazaqstan oblysy Qaztalov aýdanyna qarasty Jalpaqtal aýylynda Fransııadaǵy Eıfel munarasynyń kóshirmesi turǵyzylady, dep habarlaıdy Egemen.kz.
Jalpaqtal aýylynda 10 jyldan beri mektep túlekterinen aýylǵa tartý taralǵy jasaıtyn dástúr paıda bolǵan eken. Sodan beri mektep bitirgennen bastap mereıtoılyq jyldy atap ótetin túlekter 25 mamyrǵa deıin aýylǵa úlken syılyq jasaıdy. Osy jyldar ishinde olar birneshe saıabaq, oıyn alańdaryn, músinder men sýburqaq saldy. Bul jolǵy túlekter eń áıgili munarany turǵyzýǵa bel býǵan.
Eıfel munarasynyń Jalpaqtaldaǵy kóshirmesi 30 metrdi quraıdy.
Jalpaqtal áleýmettik ortalyǵynyń áleýmettik jumys jónindegi dırektory Bolatbek Sarmanovtyń áleýmettik jelidegi paraqshasynda, bul Parıjdegi áıgili munaranyń Qazaqstandaǵy eń bıik kóshirmesi bolatynyn jazdy.
Alaıda atalǵan nysan boıynsha aýyl turǵyndarynyń pikiri ekige jarylǵan. Bireýleri bastamany qoldasa, ekinshi jaq temirge ketken qarajatty muqtaj jandarǵa baǵyttalýy kerek edi deıdi.