OQO-da 2020 jyly ónerkásip óniminiń kólemi 1,1 trln. teńgege jetpek

OQO-da 2020 jyly ónerkásip óniminiń kólemi 1,1 trln. teńgege jetpek. Bul týraly búgin Ońtústik Qazaqstan oblysynyń ákimi J.Túımebaev halyqqa esep berý kezdesýi jıynynda aıtty. Onyń aıtýynsha, ónerkásip óniminiń kólemi 2020 jyly 1,1 trln. teńgege jetip, ortasha eseppen naqty kólem ındeksiniń ósimi jyl saıyn 2-3 paıyz deńgeıinde josparlanýda.

Bul kórsetkishke jetý úshin Indýstrıalandyrý kartasy aıasynda       2017-2020 jyldary 91 joba iske qosylýy kerek. Onyń ishinde  2017 jyly 20 jobany iske asyrylady dep kútilýde. «Elbasy bıylǵy jylǵy Qazaqstan halqyna arnaǵan Joldaýynda jańa ındýstrııalar qurýmen qatar, dástúrli ónerkásiptiń basym salalaryna erekshe kóńil bólip otyr. Munda  básekege qabiletti eksportqa baǵyttalǵan óndiristerdi damytý mindetteri qoıyldy. Osy maqsatta, oblys ekonomıkasyna 1 trln. teńgeden astam ınvestısııa tartylyp, birqatar, iri jobalar júzege asyrylady»,-dedi ákim. Olar, ınvestısııa kólemi 580 mlrd.teńgeni quraıtyn «Petro Qazaqstan Oıl Prodakts»  munaı óńdeý zaýytyn jańǵyrtý men 5,5 mlrd. teńge ınvestısııa tartylatyn «HILL Corporation» JShS-niń paıdalanǵan maılardy regenerasııalaý jobasy. Sonymen qatar,  20 mlrd. teńgege «Shymkentsement»  zaýytyn jańǵyrtý, 3,5 mlrd teńgege «Azala Fabric» JShS-niń daıyn toqyma buıymdary óndirisin keńeıtý men ınvestısııa kólemi 19,8 mlrd. teńge bolatyn «Shymkentskaıa hımıcheskaıa kompanııa» etıl tret-býtıldi efıriniń jáne polıpropılen óndirisin shyǵaratyn kásiporyn men munaı óńdeý «Standart Petroleum&Co» zaýyty. Investısııa kólemi 21,8 mlrd.teńge, iske asyrý merzimi 2020 jyl.