Monopolııaǵa qarsy komıtet karteldiń qoǵamdyq qaýipti áreket bolyp tabylýyna baılanysty (onyń ishinde, taýarlar men kórsetiletin qyzmetterge baǵalardyń negizsiz ósýine ákep soǵýy múmkin), barlyq azamattardyń nazaryn quqyq buzýshylyq belgilerine aýdarady, sebebi monopolııaǵa qarsy vedomstvo qyzmetkerleri úshin tergep-tergeýdi bastaý negizderiniń biri jeke jáne zańdy tulǵalardyń ótinishi (shaǵymy) bolyp tabylady.
Eger mundaı kelisimder baǵalardy (tarıfterdi) belgileýge, saýda-sattyqta baǵalardy ósirýge, saýda-sattyq pen aýksıondardyń qorytyndylaryn burmalaýǵa, taýar naryǵyn bólýge, taýar óndirisin qysqartýǵa nemese toqtatýǵa, shart jasasýdan bas tartýǵa ákep soǵýy múmkin bolsa, naryq sýbektileri - básekelester arasyndaǵy deńgeıles kelisimder kartel dep tanylady
Osyǵan baılanysty, karteldik sóz baılasýdy anyqtaý boıynsha jumysty kúsheıtý maqsatynda Komıtettiń saıtynda - www.kremzk.gov.kz «Kartel týraly habarla!» atty banner ornalastyryldy.
Osy bólimde kartel týraly jalpy aqparat, quqyqtyq baza jáne t.b. ornalastyryldy, sondaı-aq keri baılanys nysany ázirlendi, karteldik sóz baılasý belgilerin kórsetetin materıaldardy jiberýge bolatyn elektrondyq mekenjaı men faks kórsetildi.
Osyǵan baılanysty, adal kásipkerler men belsendi azamattyq ustanymy bar azamattardy karteldik astyrtyn ymyralasýdyń barlyq ózderine málim bolǵan jaǵdaılary týraly habarlaýǵa shaqyramyz. Bul memleket kózdegen básekelestik negizde ádildikti qalpyna keltirýge jáne taýar naryqtarynyń jumys isteýi men olardy damytýdy qoldaýǵa járdemdesedi. Salamatty básekeles orta taýarlardyń túr-túrin, ártúrli jáne qoljetimdi baǵalardy, sondaı-aq laıyqty sapany bildiretini belgili.
Bul týraly monopolııaǵa qarsy organǵa birinshi habarlaǵan jáne sóz baılasýǵa óziniń qatysýyn toqtatý boıynsha jedel sharalar qabyldaǵan, tutynýshylarǵa keltirilgen zııannyń ornyn erikti túrde toltyrǵan naryq sýbektisi - kartelge qatysýshy ákimshilik jaýapkershilikten tolyqtaı bosatylatynyn atap ótemiz!