QR qorǵanysy men qoǵamdyq qaýipsizdikti qarjylandyrý kólemi 2016 jyly 1 trln teńgeni qurady. Bul 2015 jylǵymen salystyrǵanda 1,1 paıyzǵa artyq. Sonyń ishinde qorǵanys salasyna qarjy bólý 3 paıyzǵa azaısa, qoǵamdyq tártipti qamtamasyz etýge beriletin qarajat 5 paıyz kóbeıgen, dep jazady ranking.kz.
Qorǵanys pen qoǵamdyq tártipke bıýdjet shyǵynynyń 11 paıyzy jumsalady. Bul sala kólemi jaǵynan úshinshi orynda. Al birinshi jáne ekinshi orynda áleýmettik qoldaý (21%) jáne bilim berý (18%). Qorǵanys pen qoǵamdyq tártipti qamtamasyz etýge bólinetin qarjynyń 41-43 paıyzy qorǵanysqa baǵyttalsa, qalǵany qoǵamdyq tártip, qaýipsizdik, quqyqtyq, sot jáne qylmystyń aldyn alý qyzmetterine jumsalady.
Jalpy, bul sala negizinen respýblıkalyq bıýdjet tarapynan qarjylandyrylady. Naqtyraq aıtar bolsaq, shyǵynnyń 86 paıyzy respýblıkalyq bıýdjetten, qalǵan 14 paıyzy jergilikti bıýdjetten bólinedi.
Qorǵanys salasyna eń kóp qarjy bóletin óńirlerdiń kóshin OQO, Aqmola jáne Almaty oblysynyń úshtigi bastap tur. Odan keıingi oryndarda Almat men Qaraǵandy oblystary.
Al qoǵamdyq tártipti qadaǵalaý turǵysynan eń kóp qarjy bóletin óńirler Almaty qalasy men OQO. Odan keıingi orynda Astana qalasy. Astanadan keıin tıisinshe Qaraǵandy, Almaty oblysy men ShQO.