Osy maqsatta, Maqtaaral aýdanynda aýylsharýashylyǵy kooperatıvterin qurýdy uıymdastyrý, kooperatıvterdi memlekettik qoldaý quraldary men onyń tıimdi joldary týraly mamandandyrylǵan kezekti kóshpeli semınar ótti.
Ońtústik Qazaqstan oblysy ákimdiginiń uıymdastyrýymen ótken «Kooperasııa-agro-ónerkásip keshenin damytýdyń negizi» atty semınarda maqta men qarqyndy baý sharýashylyǵyn damytý jaıy aıtyldy.
Agroónerkásip keshenin damytýdyń jańa memlekettik baǵdarlamasy aıasynda aýdanda 87 aýyl sharýashylyǵy óndiristik koopeartıvteri quryldy. Ashylǵan aýyl sharýashylyǵy óndiristik kooperatıvterge tehnıka alýǵa, aǵyn sýmen qamtamasyz etýge, mıneraldy tyńaıtqyshtar tasymaldaýǵa, entomofaktar óndirý úshin memleket tarapynan túrli qoldaýlar kórsetilýde.
Semınarǵa jetekshilik etken OQO aýyl sharýashylyǵy basqarmasy basshysynyń orynbasary Asqar Qanybekov óńirdegi maqta egisiniń 80% Maqtaral aýdanyna tıesili ekenin aıtyp, ónimniń túsimdiligin arttyrýǵa kúsh salý kerektigin jetkizdi. Maqtaraldyq sharýalar maqta shıtiniń tuqymyn áli de kórshiles elderden alyp keletinin aıtyp, memleket tuqym sharýashylyǵyn ózimizde damytýǵa erekshe kóńil bólip, arnaıy osy baǵytqa sýbsıdııa bólip otyrǵandyǵyn atap ótti.
Semınarǵa jınalǵandar maqta men jemis-jıdek ósirý boıynsha sheberlikterin shyńdap, osy saladaǵy ozyq tehnologııalarmen tanysty. Jıynda maqta sharýashylyǵyn damytý, oǵan memleketten beriletin jeńildikterdi alý boıynsha «Nur-Ketebaı» óndiristik kooperatıv basshysy Sádý Bekenov óz tájirıbesimen bólisti.
Atalǵan kooperatıv 2016 jyly qaıta jasaqtalyp qurylsa, búginde munda 242 sharýa múshelikke engen. Birlik pen eseli eńbektiń arqasynda 1125 ga jerdi ıgerip otyr.
Aıta keteıik, ótken jyly Maqtaral aýdanynda 83 myń gektardan astam jerge maqta daqyly egilip, ortasha ónimdilik 26,3 s/ga qurady. Iаǵnı maqtaraldyq dıqandar 218,5 myń tonna aq altyn jınap alǵan. Al aýdandaǵy egistikterdi ártaraptandyrý jumystarynyń nátıjesinde bıylǵy jyly boljamdyq málimetterge sáıkes aýdan sharýalary 80 myń ga alqapqa maqta daqylyn egýdi josparlap otyr.