Kókshetaý qalasynda áıel adamdy qaǵyp óltirgen júrgizýshi ustalyp, ýaqytsha ustaý ızolıatoryna qamaldy. Aqmola oblystyq polısııa departamenti oqıǵaǵa qatysty eki bap boıynsha qylmystyq is qozǵalǵanyn habarlady, dep jazady Egemen.kz.
Tergeý barysynda kúdiktiniń kólik júrgizý quqyǵy bolmaǵany jáne tıisti oqý kýrsynan ótpegeni anyqtalǵan. Sonymen qatar avtokólik ıesine, ıaǵnı kúdiktiniń jubaıyna qatysty da qylmystyq is qozǵaldy. Ol kólikti júrgizý quqyǵy joq adamǵa rólge otyrýǵa múmkindik bergeni úshin jaýapqa tartylyp otyr. Mundaı quqyqbuzýshylyq úshin zańda bas bostandyǵynan aıyrý jazasy da qarastyrylǵan.
Qazir jol apatynyń barlyq mán-jaıyn anyqtaýǵa baǵyttalǵan qajetti tergeý amaldary júrgizilip jatyr.
11 mamyr kúni Kókshetaý qalasynyń mamandandyrylǵan tergeý soty kúdiktige qatysty «úıqamaq» túrindegi bultartpaý sharasyn qabyldady.
Aqmola oblystyq polısııa departamentiniń málimetinshe, atalǵan qylmystyq istiń tergelý barysy vedomstvo basshylyǵynyń erekshe baqylaýyna alynǵan.
Eske salaıyq, Kókshetaýda jol talǵamaıtyn kólik áıeldi basyp ketip, ol oqıǵa ornynda jan tapsyrǵan.