Búgingi bilim berý júıesiniń basty mindeti – ulttyq qundylyqtardy ǵylymmen baılanystyra otyryp, básekege qabiletti urpaq tárbıeleý. Bul baǵytta elimizdiń túkpir-túkpirinde ashylǵan Keleshek mektepteri erekshe belsendilik tanytyp keledi, dep jazady Egemen.kz.
Máselen, Qostanaı qalasyndaǵy №32 Keleshek mektebinde «Asyq atý oıynyndaǵy parabolalyq qozǵalysty matematıkalyq modeldeý» atty startap joba qolǵa alyndy. Atalǵan zertteý jumysy ulttyq oıyn men zamanaýı ǵylymdy ushtastyrady. Joba asyqtyń ushý traektorııasyn matematıkalyq turǵydan taldaý arqyly onyń qozǵalys zańdylyqtaryn túsindirý jáne naqty esepteýler negizinde tıimdi atý ádisterin anyqtaıdy. Bastama Keleshek mektepterinde pánaralyq bilim berýdegi jańashyl baǵytty aıqyn kórsetedi.
Oraldyq oqýshylar qant dıabetiniń mólsherin tekseretin qurylǵy oılap tapty
Startap jobany atalǵan mekteptiń 8-synyp oqýshysy Saıajan Ermaǵanbetova oılap tapqan. Daryndy oqýshyǵa matematıka pániniń muǵalimi Qýanyshbaı Qarsaqbaı men asyq úıirmesiniń jetekshisi, dene shynyqtyrý páni muǵalimi Asylhan Sharıpov jetekshilik etken.
Zertteý barysynda asyqtyń qozǵalysy parabolalyq traektorııa retinde qarastyrylyp, bastapqy jyldamdyq, laqtyrý buryshy jáne aýyrlyq kúshi sııaqty fızıkalyq shamalardyń áseri tájirıbe arqyly zertteldi. Oqýshylar baqylaý jumystaryn júrgizip, alynǵan nátıjelerdi matematıkalyq formýlalar men grafıkter arqyly taldady. Nátıjesinde asyqty dál atýǵa eń tıimdi burysh pen qashyqtyq anyqtalyp, matematıkalyq model jasaldy.
«Taza Qazaqstan»: Keleshek mektepteriniń oqýshylary ekoaksııaǵa qatysty
Osyndaı izdenister arqyly mektep ujymy babalar murasyn ǵylymmen sabaqtastyra biletin, erteńgi kúni memleketimizdiń tiregine aınalyp, elge adal qyzmet etetin bilimdi urpaq daıarlaýdy maqsat tutady.