Qazaqstanda sý tapshylyǵy qaýpine baılanysty sý paıdalaný lımıtteri qysqartyldy. Bul týraly Úkimet otyrysynda Sý resýrstary jáne ırrıgasııa mınıstri Nurjan Nurjigitov málimdedi, dep habarlaıdy Egemen.kz.
Mınıstrdiń aıtýynsha, Syrdarııa ózeni basseıninde sý qoımalarynyń tolýy ótken jylmen salystyrǵanda 1,6 mlrd tekshe metrge azaıǵan. Qazaqstanǵa keletin sý aǵyny ortasha kópjyldyq normanyń 70%-yn ǵana qurap otyr. Bul jaǵdaı tómen sý rejımin qalyptastyryp, orta jáne tómengi aǵysta tapshylyq qaýpin arttyrady.
«Balqash – Alakól basseınindegi sý qoımalarynyń tolý deńgeıi 97%-dy quraıdy. Qapshaǵaı sý qoımasy 98% tolǵan. 2026 jylǵa bekitilgen sý paıdalaný lımıtteri Almaty oblysy boıynsha 2,1 mlrd tekshe metrdi, al Jetisý oblysy boıynsha 1,8 mlrd tekshe metrdi quraıdy. Jınalǵan sý qorynyń joǵary deńgeıine qaramastan, Almaty oblysyndaǵy Kúrti sý qoımasy mańynda sý tapshylyǵy qaýpi saqtalyp otyr. Qazirgi ýaqytta sý qoımasyndaǵy sý kólemi 64 mln tekshe metrdi quraıdy, bul ótken jylmen salystyrǵanda 38 mln tekshe metrge az», dedi N.Nurjigitov.
Qazaqstan qazirdiń ózinde sý tapshylyǵy aımaǵynda tur: sý resýrstarynyń 45%-y transshekaralyq kózder arqyly qalyptasady
Ońtústik óńirlerdegi sý qoımalarynda jalpy 26,2 mlrd tekshe metr sý jınalǵan. Bul ótken jylmen salystyrǵanda 500 mln tekshe metrge kóp.
Taza sý tapshylyǵy qashan joıylady?
Mınıstrdiń málimetinshe, Qyrǵyzstan aýmaǵyndaǵy Kırov jáne Orto-Tokoı sý qoımalarynyń tómen tolýy da alańdaýshylyq týǵyzyp otyr. Osyǵan baılanysty 2026 jylǵa arnalǵan sý paıdalaný lımıti 1,2 mlrd tekshe metrden 900 mln tekshe metrge deıin qysqartylǵan.
Nurbolat AMANBEK