Qazaqstanda egis naýqanynyń monıtorıngi úshin JI elementteri bar sıfrlyq platforma engizilip jatyr. Sıfrlyq tehnologııalardy paıdalaný jáne tuqym sapasyn qadaǵalaýdy kúsheıtý ósimdik sharýashylyǵynyń tıimdiligin arttyrýdyń negizgi faktorlary bolady, dep jazady Egemen.kz.
Salany sıfrlandyrý jáne agrotehnologııalyq is-sharalardy qamtamasyz etý týraly búgin Úkimet otyrysynda aýyl sharýashylyǵy vıse-mınıstri Azat Sultanov baıandady.
Onyń aıtýynsha, Aýyl sharýashylyǵy mınıstriligi Jasandy ıntellekt jáne sıfrlyq damý mınıstrligimen birlesip egin egý barysy týraly derekterdi jınaýǵa arnalǵan platforma ázirlep shyǵarǵan. Platforma qazir pılottyq rejımde jumys istep tur. Bolashaqta óndiristi taldaý jáne boljaý úshin júıege jasandy ıntellekt elementteri engiziledi. Sonymen qatar tuqym sapasyn qamtamasyz etý boıynsha jumystar júrgizilip jatyr. Tyńaıtqyshtardyń ishki naryqtaǵy baǵasy da belgili bir mejede bekitildi.
Dıqandar bıyl dızeldi qansha teńgege satyp alady?
«Memleket basshysynyń tapsyrmasyna sáıkes sáýir aıynan bastap elevatorlardy salý men jańǵyrtýdy jeńildikpen qarjylandyrýǵa ótinimder qabyldaý bastaldy. Biz osy tapsyrmany júzege asyrý boıynsha Jol kartasyn ázirledik. Onda negizgi qarjylandyrý krıterııleri men astyq saqtaý nysandaryn salý jáne jańǵyrtý jónindegi ındıkatorlar kózdelgen. Qarjylandyrýdy tolyq qamtamasyz ete otyryp, elevatorlardyń qýatyn 1 mln tonnaǵa deıin keńeıtý josparlanyp otyr», dedi Azat Sultanov.