Argentına ulttyq fýtbol quramasy 2026 jylǵy álem chempıonatyna arnalǵan aldyn ala keńeıtilgen quramyn jarııalady. Tizimge 55 fýtbolshy engen, olardyń kóshin komanda kapıtany Lıonel Messı bastap tur, dep jazady Egemen.kz.
Argentına fýtbol qaýymdastyǵynyń (AFA) málimetinshe, bas bapker Lıonel Skalonı FIFA-ǵa resmı túrde aldyn ala ótinim tizimin joldaǵan. Negizgi quram tizimine engen oıynshylar Eýropanyń jetekshi chempıonattarynda óner kórsetedi.
Fýtboldan el kýboginiń shırek fınalyna qaı klýbtar shyqty?
Quramanyń negizgi oıynshylary qatarynda:
Qaqpashylar: Emılıano Martınes («Aston Vılla») jáne taǵy bes qaqpashy.Qorǵaýshylar: Lısandro Martınes («Manchester Iýnaıted»), Nıkolas Otamendı («Benfıka»), Krıstıan Romero («Tottenhem»), Leonardo Balerdı, Fakýndo Medına («Marsel»).
Jartylaı qorǵaýshylar: Enso Fernandes, Alehandro Garnacho («Chelsı»), Eksekıel Palasıos, Ignasıo Fernandes («Baıer»), Aleksıs Mak Allıster («Lıverpýl»), Nıkolas Gonsales, Tıago Almada («Atletıko»).
Argentına quramasy 2022 jylǵy álem chempıonatynda jeńiske jetken bolatyn. Fınalda olar Fransııany penaltı serııasynda utyp, altyn medal ıelengen edi. Aıta keteıik, fýtboldan Álem chempıonaty 11 maýsym men 19 shilde aralyǵynda AQSh; Kanada, Meksıka elderinde ótedi. Buǵan deıin aldaǵy Álem chempıonatynda jeńimpazdyqqa úmitker favorıt komandalar týraly jazǵan edik.
Nurbolat AMANBEK