«Bul konvensııany ótkizý mindeti Qazaqstan kásipqoı boks federasııasy men WBC basshylaryna júkteldi. Shara shamamen 25 maýsym men 1 qyrkúıek aralyǵynda ótedi. Konvensııa halyqaralyq EXPO kórmesiniń aıasynda ótedi. Oǵan mesenattar, sarapshylar, boks juldyzdary qatysady. Qurmetti qonaqtardyń qatarynda amerıkalyq boksshy kishi Floıd Meıýezer men Leıla Alı bar», – dedi Erlan Bekhojın.
«Áli esimde Klıchkonyń «Eger Ýkraına prezıdenti bolsam, birinshi bolyp Kıevte WBC jınyn ótkizemin», degen edi. 55-shi konvensııa úshin AQSh jáne Horvatııa elderi nıet tanytqan, biraq ony ótkizý bizdiń elge buıyrdy. Uıym basshylyǵy bul jıyndy tamyzda ótkizýge múmkindik berdi», – deıdi Bekhojın.
Osyǵan deıin 55-shi konvensııaǵa áıgili boksshy Maık Taısonnyń keletini habarlanǵan bolatyn.
Aıta keteıik, Astananyń bul sharany ótkizý quqyǵyna ıe bolǵany ótken jyldyń jeltoqsan aıynda belgili boldy.