Dırektorlar keńesiniń sheshimimen turǵyn úı qurylys jınaqtary shartyn jasaǵany úshin jáne sharttyq somany arttyrý úshin alynatyn komıssııa kólemi 0 teńge bolyp bekitildi. Bul ózgertýler 2017 jyldyń 3 sáýirinen bastap kúshine enedi, dep jazady banktiń baspasóz qyzmeti.
Esterińizge sala keteıik, buryn atalmysh qyzmetter úshin alynatyn komıssııa kólemi - sharttyq somanyń jáne depozıttiń arttyrý somasynyń 0,55%-yn quraǵan edi.
Sondaı-aq, Dırektorlar keńesi Banktiń 2016 jylǵa arnalǵan qarjy eseptiligin aldyn-ala bekitti, jáne otyrys barysynda 2017 jyldyń 1 qańtaryndaǵy jaǵdaı boıynsha Bank Basqarmasy qyzmetiniń esebi, 2016 jylǵa arnalǵan 2014-2023 jyldardaǵy Banktiń uzaq merzimdi strategııasyn iske asyrý boıynsha 2014-2016 jj. arnalǵan sharalar josparyn oryndaý týraly esepteri bekitildi. Sonymen birge, banktiń uıymdastyrý qurylymy men kadrlyq ózgertýlerge qatysty máseleler de qarastyryldy.
«Qazaqstannyń turǵyn úı qurylys jınaq banki» AQ «Báıterek» Ulttyq basqarýshy holdıngi» AQ –nyń enshiles kompanııasy bolyp tabylady.