Homesters.kz sarapshylarynyń pikirinshe, sáýir aıynda da qaıtalama naryqtaǵy úı baǵasy arzandaı túspek.
Jalpy, naýryz aıynda respýblıka boıynsha úı baǵasy orta eseppen 1 paıyzǵa tómendedi, al qalalar boıynsha, Almatyda 1,3 paıyz, Astanada 0,2 paıyz, Shymkentte 0,7 paıyz, Qaraǵandyda 1,7 paıyz arzandaýshylyq baıqalǵan.
Aqpan aıynda teńgeniń dollarǵa shaqqandaǵy baǵamy 2-2,5 paıyz nyǵaıǵan kezde bul úı baǵasyna áser etip, baspana quny aıtarlyqtaı tómendegen. Al naýryz aıynda teńge baǵamynda onshalyqty ózgeris bolmaǵanyna qaramastan, úı baǵasy 2015 jyldan beri jalǵasyp kele jatqan arzandaý úrdisin saqtady.
Ár qaladaǵy arzandaý kórsetkishiniń ártúrli bolýy, sarapshylardyń pikirinshe, sol aımaqtaǵy suranysqa baılanysty. Máselen, Astanadaǵy suranystyń joǵarylyǵynan baǵa bar bolǵany 0,2 paıyzǵa ǵana arzandaǵan.
Al jańa úılerdiń baǵasynyń ózgermeýi, oǵan suranystyń joǵary saqtalýymen qatar, qurylys kompanııalarynyń baǵany qoldan ustap turýy. Kompanııalar naryqtaǵy kishigirim ózgeristerge mán bermeı, bastapqy baǵasynan túspeı tur.
Sarapshylardyń pikirinshe, sáýir aıynda jańa úılerdegi baǵa baıaǵysha turaqty saqtalyp, qaıtalama naryqtaǵy baspana quny 0,6-0,8 paıyzǵa tómendeıdi.