Sýdıalar «Bolashaq» arqyly oqıdy

Kezdesýdi ashqan Q.Mámı Ult josparyn iske asyrý sheńberinde álemdegi eń ozyq 30 eldiń qataryna kirý úshin Qa­zaq­standa aýqymdy reformalar júrip jatqandyǵyn atap ótti. Ol qatysýshylardyń naza­ryn «Astana» halyqaralyq qar­jy ortalyǵynyń qyzmeti Qazaqstannyń ınvestısııalyq tartymdylyǵyn arttyrýǵa baǵyt­talǵanyna aýdardy. AHQO búkil Ortalyq Azııa aıma­ǵy úshin qarjylyq habqa aınalýy jáne álemdegi aldyń­ǵy qatarly 20 qarjy orta­ly­ǵynyń qataryna enýi tıis.

«Ult josparynyń 24-qa­damyn iske asyrý sheń­berinde Memleket basshysy N.Nazarbaevtyń tapsyrma­sy boıynsha Asta­nada halyq­ara­lyq arbıtraj ortalyǵy quryl­maq. Ortalyq janynan an­glosaksondyq quqyq júıesi men sot isin júrgizýde aǵyl­shyn tili qoldanylatyn qar­jy sotyn qurý arqy­ly ınves­tı­sııalyq daýlardy sheshý kóz­delip otyr. Osyǵan oraı anglo­sak­sondyq quqyq júıesin zerde­leý maqsatynda shet elde ar­naıy taǵylymdamadan ótken sý­dıa­lar kon­tıngentin daıarlaý qajet­tiligi týyndady», – dedi Q.Mámı.

Shet elderde kadrlar daıarlaý jónindegi respýblıkalyq komıssııa jumysy týraly aıtqan sózinde G.Ábdihalyqova qazirgi tańda «Bolashaq» halyq­aralyq stıpendııasy bo­ıynsha basym mamandyqtar tizbesine «Sý­dıalar men sot júıesiniń qyz­met­kerleri» sanatyn qosý­dyń aıryqsha ózekti ekendigin atap ótti.

«Bul Memleket basshy­sy­nyń zań ústemdi­gin qamtamasyz etý jáne Qazaqstandaǵy ınves­tısııalyq ahýaldy jaqsartý boıynsha alǵa qoıǵan mindetin tabysty iske asyrý úshin elimizdiń sýdıalary men qyz­met­kerleriniń biliktiligin odan ári arttyrýǵa múmkindik bere­di», – dedi Memlekettik hatshy.

Kezdesýge qatysýshylar «As­tana» halyq­aralyq qarjy ortalyǵynyń Joǵarǵy Sotpen birlesip sot júıesiniń suraýy boıynsha taǵy­lymdamany uıymdastyrý baǵytynda at­qarǵan jumysynyń qory­tyn­dysy týraly habardar boldy.

О́z sózinde AHQO basqa­rý­shysy Q.Ke­lim­betov halyq­aralyq qarjy ortalyǵyn qurý­da adamı kapıtaldyń áleýeti mańyzdy ról atqaratyndyǵyn, sondyqtan da, AHQO Bilim jáne ǵylym mınıstrligimen bir­lesip arnaıy baǵdarlama ázir­legendigin atap ótti.

«El ekonomıkasyna qar­jylyq resýrstardy tartý jáne kapıtaldyń jańa legin qa­lyp­tastyrý maqsatynda AHQO-ǵa joǵary bilikti ma­man­­dar qa­jet», – dedi Q.Kelim­betov.

Kezdesýde Joǵarǵy Sottyń sýdıasy Madııar Balken taǵy­lym­damany uıymdastyrý ju­mystaryn úılestirý boıynsha atqarylǵan jumystar týraly baıandady.

«Taǵylymdama baǵdar­lamasy Dýbaı halyqaralyq qarjy ortalyǵy jumysynyń táji­­rıbesi eskerile otyryp ázir­lengen. Taǵylymdama baǵ­dar­lamasy sheńberinde stı­pen­­dıattar aǵylshyn tilinde is qa­ǵazdaryn júrgizý, aǵyl­shyn sýdıalarynyń jumys qaǵı­­dattaryn, quqyq ústem­digi máselesin, sottyń zań shyǵarý jáne sottyń úlgi­lik isin, kommersııalyq quqyq­tyń túrli salalarynyń erekshe­likterin (kelisimdik, banktik, qarjylyq), aǵylshyn azamat­tyq prosesterin, halyq­aralyq arbıtrajdyq quqyq­ty zertteıtin bolady. Sony­men qatar, stıpendıattar úshin Ulybrıtanııanyń sottaryn­da, jetekshi zańgerlik qaýymdas­tyq pen advokattar keńselerin­de uzaq merzimdi tájirıbeden ótý jos­parlanyp otyr», – dedi M.Balken.

Kezdesýde stıpendıattar atynan Astana qalasy Al­maty aýdandyq sotynyń sýdıasy Danııar Hopabaev, Maman­dan­dyrylǵan aýdanaralyq ekonomıkalyq sotynyń sýdıasy Gúlnár Satbaeva jáne depar­tamenttiń halyqaralyq baıla­nystar sektorynyń meńge­rýshisi Adııa Ramazanova sóz alyp, olar kásibı qyz­metti jaqsartý úshin taǵylym­damanyń aıryqsha mańyz­dy­ly­ǵyna toqtaldy jáne ony oıdaǵydaı ótkerý úshin bar­lyq kúsh-jigerlerin jumsaı­tyn­dyqtaryn aıtty.

Nurlybek Dosybaı,

«Egemen Qazaqstan»