Mınıstrdiń aıtýynsha, ol Qaraǵandy oblysynyń ákimimen birge aımaqty bıikten baqylaǵan.
"Barlyǵy 7 eldi mekende 33 úıdi sý basty, 397 adam qaýipsiz jerge kóshirildi. Qazir barlyq úı sýdan tazartylyp, 300 astam adam baspanalaryna oraldy", dedi Qasymov.
Mınıstrdiń aıtýynsha, búkil respýblıka boıynsha barlyǵy 10 eldi mekende 40 úıdi sý basqan. Sonymen qatar respýblıka boıynsha 46 jol ýchaskesi sýdyń astynda qaldy. Sonyń ishinde 43 - avtomobıl joly, 3-ýi - temir jol. Qazirgi tańda temir joldar jóndelip, poıyzdardyń qozǵalysy qalpyna keltirildi. Avtomobıl joldarynyń biraz bóliginde de kólik qozǵalysy qaıta ashyldy. Ázirge, 11 ýchaskede apattyq sharalar atqaralyp jatyr.
Qalmuhanbet Qasymov qazirgi tańda Qostanaı jáne Soltústik Qazaqstan oblystarynda sý basý qaýpi joǵary ekenin atap ótti. Osyǵan oraı, barlyq kúshter osy óńirlerge jumyldyrylǵan.