QR Premer-Mınıstri Baqytjan Saǵyntaev Úkimet otyrysynda kún tártibine toqtalmastan buryn, Qazaqstandaǵy sý deńgeıiniń kóterilýi máselesin talqylady. Jáne QR ishki ister mınıstri Q. Qasymovtyń, sondaı-aq, Qaraǵandy, Qostanaı, Aqmola, Soltústik Qazaqstan jáne Shyǵys Qazaqstan oblystarynyń ákimderiniń aǵymdaǵy sý deńgeıiniń kóterilý jaǵdaıy men tótenshe jaǵdaılardy eskertý sharalary týraly baıandamalaryn tyńdady.
«Qurmetti áriptester, jergilikti oryndardaǵy jaǵdaıdy baqylaýda ustaýdy tapsyramyn, úılestirý jumystaryna Asqar Uzaqbaıuly jaýapty (Mamın – QR Premer-Mınıstriniń birinshi orynbasary)», - dedi B. Saǵyntaev.
Eske sala keteıik, buǵan deıin Qaraǵandy oblysy, Qarqaraly aýdanynyń Núrken Ábdirov atyndaǵy aýylynda eki aǵaıyndyny Qopa ózeniniń aǵysy alyp ketken bolatyn.