Atalmysh saıtta, "tergeý Sankt-Peterbýrg metrosyndaǵy jarylys jasaǵan adamdy anyqtady. Ol 01.04.1995 jyly týǵan Akbarjon Djalılov. "Ploshad Vosstanııa" beketinde jarylǵysh zaty bar sómkedan Djalılovtyń genetıkalyq izi tabyldy. Genetıkalyq saraptama qorytyndysy men baqylaý kameralaryndaǵy jazba boıynsha "Ploshad Vosstanııa" beketinde jarylǵysh zat salynǵan sómkeni tastap ketken jáne metro vagonynda terakt jasaǵan bir adam", - delingen.
Eske sala ketsek, 3 sáýirde Sankt-Peterbýrg metrosynda bolǵan jarylystan kem degende 11 adam qaza tapty, zardap shekkender sany 50-ge jetti. Jarylys metronyń eki beketinde bolǵan - "Sennaıa ploshad" jáne "Tehnologıcheskıı ınstıtýt". Eki jarylystan zardap shekkender arasynda balalar da bar. Reseıdiń Federaldy qaýipsizdik bıýrosynyń aldyn ala berilgen aqparaty boıynsha Sankt-Peterbýrg metrosynda teraktini uıymdastyrǵan 1995 jylǵy Akbarjon Djalılov. Al, Qyrǵyzstan Memlekettik ulttyq qaýipsizdik komıteti onyń Osh qalasynyń týmasy ekenin rastap berdi.