Nursultan Nazarbaev Qarýly Kúshterdi jasaqtaý qarqyndy júrgizilip kele jatqanyna toqtalyp, bul jumysty jalǵastyrý qajettigin atap ótti.
– Qysta da, jazda da áskerı oqý-jattyǵý sharalary ótkizildi. Áskerimizdiń jaýyngerlik ázirlik deńgeıi joǵary. Tártip jaqsarǵany baıqalady, – dedi Elbasy.
Qazaqstan Prezıdenti áskerdi qarý-jaraqtyń jáne áskerı tehnıkanyń jańa túrlerimen qaıta jaraqtandyrý, áskerı qyzmetshilerdi áleýmettik qamsyzdandyrý, elimizdiń aýmaqtyq qaýipsizdigi men áýe shabýylyna qarsy qorǵanys júıesin damytý máselelerine nazar aýdardy.
S.Jasuzaqov Memleket basshysyna áskerdiń soǵysqa qabilettigi deńgeıin, Qazaqstan áskeri qataryndaǵy tártip pen jınaqylyqty saqtaý sharalarynyń atqarylý barysy týraly málimdedi.
– Búginde Qarýly Kúshter qatary 93% deńgeıinde jasaqtaldy. Salystyrmaly túrde alsaq, bul kórsetkish 2015 jyly 89% bolǵan edi. Qazirgi ýaqytta ofıser, serjant jáne qatardaǵy sarbaz quramdaryn jasaqtaý úshin áskerge kelisimshart boıynsha shaqyrý jumystary júrgizilýde. Merzimdi áskerı qyzmet qataryna alynatyndar sanyn arttyrdyq. Bıyl áskerdiń barlyq túrine 34 myńǵa jýyq merzimdi áskerı qyzmetshini shaqyrý josparlanyp otyr, – dedi Qorǵanys mınıstri.
Nursultan Nazarbaev kezdesý qorytyndysy boıynsha birqatar naqty tapsyrmalar berdi.