Kólik mınıstrligi respýblıkalyq mańyzy bar tasjoldarda ortasha jáne kúrdeli jóndeý jumystary bastalǵanyn málimdedi. Qazir jol jumystary elimizdiń ońtústik jáne batys óńirlerinde belsendi júrgizilip jatyr, dep jazady Egemen.kz.
Soltústik oblystarda jol jóndeý jumystary aýa raıy jaǵdaılary turaqtalǵannan keıin bastalady. Búginde atalǵan óńirlerde qurylys maýsymyna daıyndyq, onyń ishinde qajetti materıaldardy daıyndaý, sondaı-aq tehnıka men personaldy mobılızasııalaý jumystary atqarylyp jatyr.
2026 jyly Memleket basshysynyń bastamasymen respýblıkalyq mańyzy bar joldardy ortasha jóndeý boıynsha aýqymdy joba iske asyrylyp, jalpy 122 nysan qamtylady. Onyń 73-i 2025 jyldan ótpeli nysandar bolsa, taǵy 49-y – jańa jobalar.
Bıyl Aqtóbe oblysynda 464 shaqyrymnan astam jol jóndeýden ótip, jańartylady
«Ortasha jóndeý baǵyttary eldiń negizgi kólik dálizderin qamtıdy, sonyń ishinde Jezqazǵan Petropavl, Almaty Shelek Qorǵas, Atyraý Oral, Astana Ereımentaý Shiderti jáne basqa da óńirlerdi ózara ári kórshiles eldermen baılanystyratyn baǵyttar bar», delingen mınıstrlik habarlamasynda.
Batys Qazaqstanda jol jóndeýge bólingen 56,5 mln teńge jymqyrylǵan
Sonymen qatar 2026 jyly 25 nysandaǵy kúrdeli jumystardy aıaqtaý josparlanǵan, onyń 20-sy ótken jyldan aýysyp kele jatqan nysandar. Barlyq nysan boıynsha merdiger uıymdar anyqtalǵan.