Áleýmettik jeliler aqparat taratýdyń negizgi alańyna aınalǵan búgingi zamanda jedeldikpen qatar jaýapkershilik te arta tústi. Bas prokýratýra azamattardy tekserilmegen málimetterdi taratýdan saq bolýǵa shaqyryp, «sıfrlyq qaýesetterdiń» qoǵamǵa tóndiretin qaterine nazar aýdardy, dep habarlaıdy Egemen.kz.
Qadaǵalaýshy organnyń málimetinshe, kóp jaǵdaıda paıdalanýshylar aqparattyń anyqtyǵyna kóz jetkizbeı, jalǵan nemese burmalanǵan derekterdi taratyp jatady. Ásirese, «haıp» qýǵan jekelegen tulǵalar munyń saldaryn eskere bermeıdi. Al shyn máninde, jalǵan aqparat taratý – tek jeke pikir emes, qoǵamǵa tónetin naqty qaýip faktory.
Mamandardyń aıtýynsha, ınternet keńistiginde tolyq anonımdilik joq. Kez kelgen áreket «sıfrlyq iz» qaldyrady, al zamanaýı tehnologııalar aqparattyń bastapqy kózin anyqtaýǵa múmkindik beredi.
Asa iri mólsherdegi alaıaqtyq jáne jalǵan aqparat: Almatyda Sanjar Boqaev ustaldy
Tájirıbe kórsetkendeı, zańǵa qaıshy jarııalanymdar anyqtalyp, olardyń avtorlary jaýapkershilikke tartylady. Sondyqtan árbir qoldanýshy jarııalaǵan jazbasynyń saldaryn aldyn ala saralaýy tıis.
Quqyq qorǵaý organdary jala jabý, qorlaý nemese kórineý jalǵan aqparat taratý zańmen qýdalanatynyn eskertedi. Bul áreketter azamattardyń ar-namysy men iskerlik bedeline nuqsan keltirip qana qoımaı, qoǵamda dúrbeleń týǵyzýy múmkin.
«Sóz bostandyǵy – sheksiz erkindik emes. Ol ózge adamdardyń quqyqtary men zańdy múddelerin buzýǵa negiz bola almaıdy», dedi vedomstvo ókilderi.
Bas prokýratýra aqparat tekserilgen derekterge negizdelýi kerektigin erekshe atap ótti. Boljam men joramalǵa súıengen habarlamalar aqparattyq keńistikti lastap, senimsizdik týdyrady.
Bas prokýratýra azamattardy jalǵan aqparat taratýdan bas tartýǵa shaqyrdy
Quqyqtyq normalardy saqtaý turmysta da, bızneste de, medıa salasynda da qaýipsiz orta qalyptastyrýdyń basty sharty bolyp otyr. Osyǵan baılanysty qylmystyq qýdalaý organdary jaza qoldanýmen qatar, quqyq buzýshylyqtyń aldyn alýǵa basymdyq berip keledi.
Qadaǵalaýshy organ ókilderi sıfrlyq ortadaǵy jaýapty minez-qulyq mádenıetin qalyptastyrý – ortaq mindet ekenin atap ótti. Sebebi aqparattyq mádenıet árbir áleýmettik jeli qoldanýshysynyń jeke jaýapkershiliginen bastalady.
1414-ten habarlama: Bas prokýratýra alaıaqtarǵa aldanyp qalmaý jolyn aıtty