Týystyq baılanysty nyǵaıtatyn taǵy bir mańyzdy qadam

Ejelden irgesi ajyramaǵan qudaıy kórshi, baýyrlas ózbek halqy da Qazaqstan Prezıdentiniń baǵdarlamalyq maqalasymen buqaralyq aqparat quraldary arqyly keńinen tanysyp, ondaǵy aıtylǵan ulttyń rýhanı jańǵyrýyna qatysty oı-tujyrymdardy qoldaıtyndyqtaryn bildirdi. О́zbekstan jurtshylyǵy, ásirese, latyn álipbıine kóshýge baılanysty qazaq elinde bıyldan bastap naqty qadamdar jasalyp, daıyndyq jumystary júrgiziletindigi týraly jańalyqty erekshe qýanyshpen qabyldady. Bul jóninde О́zbekstannyń birneshe beldi aqparat quraldary tereń mán bere jazǵany sonyń aıǵaǵy dep bilemin.  

Osy rette, burynǵy ke­ńes­tik keńistikte bolǵan túr­kitildes memleketterdiń ishi­nen Ázerbaıjan men О́zbek­stannyń latyn álipbıine kóship qoıǵanyn eskersek, óńirlik ıntegrasııalyq úde­rister qarqyndy túrde jú­zege asa bastaǵan qazirgideı kezeńde mundaı sheshimdi baýyrlas halyqtardyń qýana qabyldaýy zańdylyq. О́ıt­keni, kórshilik ári týystyq baılanystardyń qarqyndy damýyna ekonomıkalyq jáne materıaldyq faktorlar ǵana emes, sonymen qatar, rýhanı jáne mádenı qarym-qa­ty­nastardyń kúsheıýi de tikeleı yqpal etetini shyndyq. Mun­daı baılanystar týraly sóz bolǵanda, bas­ty faktorlar retinde qoǵamda ortaq tarıh pen ortaq mádenı qun­dy­lyqtar jónindegi sa­nany qalyptastyrý aıryqsha mańyzdy. Al ony júzege asy­rýdyń negizgi quraly til ekendigi aıdan anyq. Bul ret­te bizde til jaqyndyǵy buryn­nan bar, biraq álipbıdegi aıyrmashylyqtarǵa baılanysty bir-birimizdi oqyp, tú­sinýde qıyndyqtar týyn­daı­tyny jasyryn emes. Son­dyqtan latyn álipbıin paı­dalaný arqyly týysqan ha­lyq­tardyń arasyndaǵy rýha­nı-mádenı, aqparattyq baı­lanystar burynǵydan da órisin keńeıtetin boldy.

Qazaqstan men О́zbek­stannyń latyn álipbıine ótý úderisiniń týystas eki eldiń ózara qarym-qatynastaryn damytýda mańyzdy oryn alary sózsiz. Ásirese, sońǵy aılarda eki el arasyndaǵy eko­nomıkalyq, mádenı já­ne basqa da salalardaǵy baı­lanystardyń odan ári arta túskenin eskerer bolsaq, Or­talyq Azııada derbes ma­ńyzǵa ıe osy eki eldiń ortaq jaz­ýdy qoldanýy barlyq ja­ǵynan quba-qup bolary anyq.

О́zbek pen qazaq halqy – túp tamyry tereńnen qabysatyn, arǵy tegi bir ulystan – túr­ki jurtynan taby­satyn týys­qan elder. Bizdiń halyq­ta­ry­myzdy shejireli tarıhpen birge san ǵasyrlar boıy adam­zat órkenıetine súbeli qazyna bolyp qosylǵan máıek­ti mádenıet pen ortaq qun­dylyqtar baılanystyrady. Kesheden búginge deıin ar­qaýy úzilmeı jetken osy baılanystar qazirgi О́zbekstan men Qazaqstan­nyń jańa za­mandaǵy ynty­maqtastyǵyna, tatý kórshilik ári strategııalyq seriktestik aıasyndaǵy qarym-qatynastaryna negiz qalaǵan bolatyn. Olaı bolsa, keleshekte latyn tańbasyndaǵy álipbıdi qoldaný osy ynty­maqtastyqty jańa bıikke, sapaly deńgeıge shyǵaratynyna kámil senimdimiz. Tili men salt-dástúri óte jaqyn ózbekter men qazaqtar latyn jazýy ar­qyly bir-biriniń jazyp-syzǵanyn ońaı oqyp, túsine alatyn bolady. Al tolyq tú­sinistik bar jerde ortaq múdde alǵa shyǵyp, kóptegen ke­dergiler ózdiginen-aq joıylady dep esepteımiz.

Sóz sońynda Elbasy Nursultan Nazarbaevtyń qazaq eliniń bas basylymynda jarııalanǵan maqalasynda aı­tylǵan jaıttardy, sonyń ishinde latyn álipbıine kóshýge baılanysty máselelerdi baýyrlas ózbek jurty aıryq­sha yqylaspen, erekshe qýa­nyshpen qabyldaǵanyn taǵy da atap aıtqym keledi. Eldiń strategııalyq josparyna sáı­kes, 2025 jyly latyn álip­bıine tolyq kóshý úshin da­ıyn­dyq jumystarynyń bı­yl­dan bastalýyn asa baıyp­ty qa­dam dep baǵalaımyz. Bul qa­dam barshamyzǵa qutty bol­syn!

Ǵaıbýlla BABAIаROV, 

tarıh ǵylymdarynyń doktory

О́ZBEKSTAN