Qaraǵandy 1 mamyr – Qazaqstan halqynyń birligi kúni merekesin erekshe jaǵdaıda atap ótti. Ádettegindeı, merekeni meılinshe qyzdyrǵan meken qaladaǵy ortalyq saıabaq boldy. Onda etnomádenı birlestikterdiń «Birlik shańyraǵy» atty HHII oblystyq festıvali ótti. Atalmysh sharada bir shańyraq astyndaǵy bir atanyń balasyndaı ár túrli ulttar men ulystar kórermender aldynda óz ónerlerin kórsetip, elimizdegi tatýlyq pen turaqtylyqty dáriptedi. О́ńirimizdiń ár aýdan qalalarynan qatysqan 28 etnomádenı birlestikterdiń 500-ge tarta ónerpazdary merekeniń máıegine aınaldy.
Aıtýly merekege arnaıy at shaldyrǵan aımaq basshysy Erlan Qoshanov jıylǵan jurtty merekemen quttyqtady.
«Elimiz júıeli jańǵyrý, qoǵamdyq jańarý jolyna tústi. Keshe ǵana Elbasymyz Nursultan Nazarbaevtyń qatysýymen Assambleıa sessııasy ótti. Memleket basshysy sol sessııada birlik – baılyǵymyz, turaqtylyq – tuǵyrymyz, jańǵyrý – jarqyn jolymyz ekenin atap ótti. Myqty, tabysty, rýhanı baı memleketti tek beıbitshilik pen kelisimde ǵana qurýǵa bolady», dedi ákim.
Jalpy bul kúni shańyraqtaǵy shattyq shartarapqa jaıylyp, sharany ótkizýshiler qala turǵyndary men qonaqtaryna arnap túrli oıyn-saýyq uıymdastyrady. Munda ár túrli ulttar men ulystardyń án-bıinen bólek, basqa da mədenı sharalar, kórmeler men sport jarystary ótkizildi.
Sondaı-aq, buǵan deıin Qaraǵandy oblysynyń ákimi Erlan Qoshanov Qazaqstan halqynyń birligi kúni qarsańynda etnomádenı birlestikterdiń basshylarymen, Qazaqstan halqy Assambleıasynyń múshelerimen kezdesken bolatyn. Dostyq úıinde elimizdi rýhanı jańǵyrtý, birlik pen ultaralyq kelisim týraly sóz qozǵaldy.
Shara barysynda oblys ákimi aımaqtyń 24 etnomádenı birlestikterine 700 myń teńge mólsherinde syıaqy tabystady.
О́z kezeginde is-sharaǵa uıytqy bolǵan Qaraǵandy oblysynyń mádenıet, muraǵattar jáne qujattama basqarmasynyń basshysy Erkebulan Aǵymbaev ta ulttyq til men dástúrdi dáriptep, joǵarydaǵy festıvaldiń bıik deńgeıde ótýine at salysqan qatysýshylardy dıplomdarmen jáne sertıfıkattarmen marapattady.
Mıras ASAN, «Egemen Qazaqstan»