«Elbasynyń sarabdal saıasatynyń arqasynda Qazaqstan dos¬tyq pen birliktiń mekenine aınalyp qana qoımaı, álemge yrys pen yntymaqtyń ulaǵatty úlgisin tanyta aldyq. Keshegi Stalındik qýǵyn-súrgin kezinde Qıyr Shyǵystan kárister, Edil boıynan nemister, Soltústik Kavkazdan qarashaı-balqarlar, sheshen-ıngýshtar, qyrym tatarlary men meshet-túrikter jeti jurtqa meken bolǵan Syr óńirin panalady. Qazaq halqy olardy jatsynbaı, darhan kóńilin bildirip, qushaǵyn aıqara ashty. Syr eli olarǵa týǵan úıi bola bildi. Qıyndyq ataýlyny jeńetin bir ǵana kúsh bar, ol – birlik», dedi oblys ákimi.
Búgin qalada jalpyhalyqtyq serýen, ortalyq alańda ulttyq sport túrinen saıystar, Á.Tájibaev atyndaǵy oblystyq ámbebap ǵylymı kitaphanada «Qazaqstan – dostyq mekeni» taqyrybynda kitap kórmesi jáne oblystyq tarıhı-ólketaný mýzeıinde «Qazaqstan halqynyń sháı ishý dástúri» atty kórme uıymdastyryldy. «Syr ana» monýmentinen «Taǵzym» alańyna deıingi aralyqta oblys jastarynyń «Meniń elim» motojarysy, qalalyq mádenıet jáne demalys saıabaǵynda ashylý maýsymy jáne oblystyq fılarmonııanyń «Syr samaly» vokaldy-aspaptyq ansambliniń «Dostyq áni» konserti ótti.