«Komıssııa quramynda sheneýnikterdiń kóp bolýyna ákimderdiń qosylýy sebep. О́ıtkeni, «Týǵan jer» baǵdarlamasyn júzege asyrýmen naq osy ákimder aınalysýy tıis. Árıne, bul jerde Ulttyq komıssııa úshin usynystar engizetin jumys toptary quryldy, al jumys toptarynyń quramy naqty taqyrypqa sáıkes anyqtalatyn bolady. Jumys toptarynyń quramyna halyqtyń budan da kóp bóligi, ıaǵnı túrli jikter ókilderi enetinine senimim zor. Ádilbek Ryskeldiuly (Prezıdent Ákimshiliginiń Basshysy – red.) ár jumys tobynyń nemen aınalysatyny týraly egjeı-tegjeıli aıtyp berdi», dedi D.Abaev.
Buǵan deıin qaı jumys tobyn kimniń basqaratyny týraly buqaralyq aqparat quraldarynda jarııalanǵan bolatyn.
D.Abaev habar barysynda, sonymen qatar, terrorızm úshin azamattyqtan aıyrý máselesine ázirshe núkte qoıylmaǵanyn atap kórsetti. El Úkimeti terrorızm úshin azamattyqtan aıyrý týraly túzetýdi maquldady. Alaıda, Aqparat jáne kommýnıkasııalar mınıstriniń pikirinshe, bul máselege núkte qoıýǵa áli erte.
«Bul másele áli belsendi zerttelý ústinde. Zańdy qabyldaý barysynda barlyq pikirdiń eskeriletini anyq. Asa mańyzdy másele – búginde terrorızm búkil álem boıynsha keń tarap otyr, onyń túrleri de óse túsýde. Biraq oǵan qarsy kúrestiń naqty tetigi áli tabylǵan joq. Álem elderi qandaı da bir deńgeıde onyń jolyn izdep jatyr. Shveısarııada terrorshylardy azamattyqtan aıyrý týraly másele birneshe márte kóterildi. Álemniń kóptegen elinde bul máseleni belgili bir deńgeıde talqylaýlar júrip jatyr», dedi «Habar» telearnasyndaǵy únqatysýda vedomstvo basshysy.
D.Abaevtyń sózine qaraǵanda, zańnyń bul normasy shetelderde soǵysyp júrgen adamdarǵa baǵyttalǵan. «Biz shetelde jaýyngerlik mashyq alǵan adamdardyń Qazaqstanǵa kelip, elimiz úshin qater tóndirgenin qalamaımyz. Bul másele áli de talqylanady. Egjeı-tegjeıli túsindirýlerdi biz áli Parlamentte estıtin bolamyz», dedi mınıstr óziniń sózinde.
Qazaqstan turǵyny Ásel Bazarbaeva Qazaqstan halqy Assambleıasynyń HHV sessııasy barysynda Qazaqstan Prezıdenti Nursultan Nazarbaevqa óziniń dinı sektadan basyn qalaı arashalap alǵany týraly aıtyp berdi. Boıjetkenniń sózi mınıstr D.Abaevqa da aıtarlyqtaı áser etken.
«Memleket basshysynyń qatysýymen QHA-nyń kezekti sessııasy ótti. Onda óte tartymdy sózder aıtyldy. Aıtylǵan árbir oqıǵadan jeke derekti fılm túsirýge bolady. Men Ásel Bazarbaevanyń sóziniń áserinen áli aıyǵa alar emespin. Ol – destrýktıvti dinı aǵymnyń qurbany, radıkalızm buǵaýynan qashyp qutylyp, dástúrli dinge qaıta oralyp otyr. Onyń mundaı sheshim qabyldaýyna ata-anasynan bas tartýyn talap etýleri sebep bolǵan. Bul halqymyzdyń otbasy dástúri kúshti ekenin kórsetedi», dedi «Otkrytyı dıalog» baǵdarlamasynda vedomstvo basshysy.