Astanada kásibı mádenı qaýymdastyq ókilderi Konstıtýsııanyń jańa jobasyn talqylady. Is-shara jańartylǵan zańnyń negizgi erejelerin jan-jaqty qarastyrýǵa baǵyttalǵan keń aýqymdy qoǵamdyq dıalog alańyna aınaldy.
Talqylaýǵa Mádenıet jáne aqparat vıse-mınıstri Aıbek Sydyqov, memlekettik mádenıet, óner, arhıv jáne bilim berý salasyndaǵy mekemelerdiń basshylary men mamandary qatysty. Jıyn barysynda azamattardyń quqyqtary men bostandyqtaryn qorǵaý, tarıhı-mádenı murany saqtaý jáne qoǵamnyń rýhanı qundylyqtaryn nyǵaıtý máselelerin qamtıtyn konstıtýsııalyq ózgeristerge qatysty negizgi qaǵıdalar aıqyndaldy.
Konstıtýsııa negizin jańartý jaǵdaıynda qoǵamdyq sanany qalyptastyrýda, azamattyq jaýapkershilikti damytýda jáne ulttyq biregeılikti nyǵaıtýda mádenıet pen gýmanıtarlyq salanyń róline erekshe nazar aýdaryldy.
Ulttyq arhıv dırektory Saǵıla Nurlanovanyń aıtýynsha, Konstıtýsııanyń jańa redaksııasynyń jobasy eldiń odan ári damýy úshin strategııalyq mańyzǵa ıe ári mádenı murany saqtaý salasynda zamanaýı tehnologııalardy qoldanýǵa jol ashady.
«Konstıtýsııanyń jańa jobasy – bul jaı ǵana kezekti qujat emes, memleket pen azamat arasyndaǵy qazirgi qoǵamdyq kelisimniń negizi. Elimiz úshin bul – aıryqsha mańyzdy kezeń. Búginde mádenıet salasynyń ókilderi bolashaq urpaqqa mádenı jáne tarıhı murany saqtaý men jetkizý baǵytynda, sonyń ishinde Konstıtýsııanyń 3 jáne 40-baptarynda kózdelgen sıfrlyq sheshimder men jańa tehnologııalardy qoldana otyryp, belsendi jumys júrgizip jatyr. Memleket basshysy jarııalaǵan Jasandy ıntellekt jáne sıfrlandyrý jyly aıasynda biz negizgi zań talaptaryn zamanaýı quraldar men tásilderdi paıdalana otyryp, júıeli túrde iske asyryp kelemiz», dep atap ótti ol.
Talqylaý qorytyndysynda qatysýshylar Konstıtýsııasynyń preambýlasyn biraýyzdan qoldap, onyń ózektiligin, qoǵamdyq suranysqa qajettigin jáne eldiń uzaqmerzimdi damýyna baǵyttalǵanyn sóz etti.
Aıta keteıik Azamattyq bastamalardy qoldaý ortalyǵynda «Konstıtýsııalyq ózgeristerdi iske asyrýdaǵy azamattyq sektordyń róli» taqyrybynda dóńgelek ústel ótti. Talqylaýǵa úkimettik emes uıymdardyń 30-dan astam ókili, sondaı-aq bilim berý, adam quqyqtaryn qorǵaý, sıfrlandyrý, ekologııa jáne óńirlik damý salalaryndaǵy sarapshylar qatysty.
Otyrys barysynda qatysýshylar konstıtýsııalyq ózgerister qoǵamdyq ómirdiń negizgi salalaryn qamtıtynyn atap ótip, olardy túsindirýde jáne halyqty reformalar úderisine atsalysý boıynsha azamattyq sektordyń mańyzdy ról atqaratynyn talqylady. Jastardy qoldaý, azamattardyń quqyqtaryn qorǵaý, óńirlerdi damytý, sıfrlandyrý jáne eldiń zııatkerlik áleýetin arttyrý baǵyttarynda azamattyq ınstıtýttardyń úlesi erekshe ekeni sóz boldy.
Oǵan qosa reformalardy iske asyrýǵa azamattardy keńinen tartýdyń tıimdi tetigi retinde «Qazaqstannyń Halyq keńesi» uıymynyń mańyzyna erekshe toqtaldy. Jıyn aıaǵynda azamattyq qoǵamnyń belsendiligi konstıtýsııalyq reformalardyń sapasyn arttyryp, memleket pen qoǵam arasyndaǵy turaqty ári ashyq dıalogtiń damýyna yqpal etetini atap ótildi.
Al Aqmola oblysynyń Qosshy qalasynda Mádenıet jáne aqparat mınıstrliginiń qoldaýymen «Qazaqstan Respýblıkasynyń jańa Konstıtýsııasynyń jobasy jáne keshendi reformalar» taqyrybynda «Jastar» ǵylymı-zertteý ortalyǵynyń saraptamalyq kezdesýi uıymdastyryldy. Saraptamalyq kezdesýde «Jastar» ǵylymı-zertteý ortalyǵynyń dırektory, shara moderatory Gúlishan Nahbaeva jańa Konstıtýsııa jobasynyń negizgi erejelerin taldaýǵa, memlekettiń neǵurlym ádil, quqyqtyq jáne adamǵa baǵdarlanǵan modeline kóshýdi kórsetetin, sondaı-aq qoǵamdyq dıalog ınstıtýttaryna qatysty jáne sheshim qabyldaý úderisterindegi jastardyń rólin qozǵaıtyn júıeli reformalardy talqylaýǵa baǵyttalǵanyn jetkizdi.
Otyrysta sóz alǵan Qosshy qalasynyń ákimi Azamat Qapyshev jańa Konstıtýsııa jobasy Qazaqstannyń ádilettilikte bolashaq urpaq aldyndaǵy jaýapkershilik qaǵıdattaryna negizdelgenine keńirek toqtaldy. Kezdesýde Konstıtýsııalyq reformalar, memlekettik damýdyń strategııalyq baǵyty boıynsha Senat depýtaty Gennadıı Shıpovskıh, zańnamalyq reformalar men olardyń qoǵamdyq mańyzy jóninde Májilis depýtaty Ekaterına Smolıakova, konstıtýsııalyq ózgeristerdiń ǵylymı-quqyqtyq negizderi boıynsha L.N. Gýmılev atyndaǵy EUÝ Konstıtýsııalyq jáne azamattyq quqyq kafedrasynyń professory Ermek Ábdirasilov, qoǵamdyq kelisim, qoǵamdyq dıalog jáne jastardyń áleýmettik úderister turǵysynan Qoldanbaly etnosaıası zertteýler ınstıtýtynyń dırektory Lýıza Ýzarova, «Jańa konstıtýsııalyq reformalar: memlekettik basqarý júıesiniń transformasııasy» taqyrybynda Prezıdent janyndaǵy memlekettik basqarý akademııasynyń qorytyndy-analıtıkalyq sektor meńgerýshisi, saıası ǵylymdarynyń kandıdaty Dastan Kósherbaev aýqymdy máseleler talqylady.