Otandyq taýar óndirýshilerdi qoldaýǵa arnalǵan jańa sıfrlyq júıege qyzyǵýshylyq artyp keledi. 4 aqpandaǵy derekke sáıkes, «Qazaqstandyq taýar óndirýshiler reestrine» 13 242 ótinim túsken. Bul kásiporyndardyń jańa talaptarǵa birtindep beıimdelip jatqanyn ańǵartady, dep jazady Egemen.kz.
Alaıda ótinimderdiń bári birdeı birden qabyldanǵan joq. Berilgen 13 myńnan astam ótinimniń 3 463-i 524 sýbektige tıesili bolǵandyqtan keri qaıtarylǵan. Taǵy 43 kompanııanyń 208 ótinimi tómen skorıngke baılanysty qabyldanbady. Degenmen bul túpkilikti sheshim emes. Kásiporyndar kemshilikterdi túzetip, qaıtadan ótinim bere alady.
«Qazatomónerkásip» aksııalarynyń baǵasy sharyqtady
Qazirgi tańda reestrde 762 sýbektiden túsken 3 393 ótinim tirkelgen. Sıfrlyq servıs shtattyq rejımde jumys istep tur. Júıege qosylǵysy keletin kásiporyndardyń ótinimderi qabyldanyp jatyr.
Jeńil ónerkásipti damytý úshin Shymkent jańa qadamǵa bardy
Reestrge tirkelý tártibin túsindirý úshin О́nerkásip jáne qurylys mınıstrligi keńes berý jumysyn júıeli júrgizip keledi. Osy maqsatta eki kezeńnen turatyn beınenusqaýlyq ázirlengen. Birinshi beınede jeke kabınet arqyly ótinimniń mártebesin qadaǵalaý joly kórsetilse, ekinshisinde reestrden úzindi júkteý tártibi túsindiriledi. Buǵan deıin qadamdyq nusqaýlyq ta daıyndalyp, mınıstrlik pen QazIndustry saıttaryna ornalastyrylǵan.
Byltyr elimizde 33 jańa ónerkásiptik kásiporyn iske qosyldy
Mamandardyń aıtýynsha, reestrge kóshý otandyq óndiristi naqty qoldaýǵa baǵyttalǵan. Jańa sıfrlyq platforma derekterdi birizdendirýge, jalǵan óndirýshilerdi anyqtaýǵa, rásimderdiń ashyqtyǵyn kúsheıtýge jáne sybaılas jemqorlyq táýekelderin azaıtýǵa múmkindik beredi. Eń bastysy, memlekettik qoldaý sharalaryna qol jetkizý tetigi aıqynyraq ári ádil bola túsedi.